അജയ് ദേവ്ഗണിന് രാജമൗലിയുടെ പിറന്നാൾ സമ്മാനം; കൈയ്യടിച്ച് ആരാധകരും!

ബോളിവുഡ് സൂപ്പർ ഹീറോ അജയ് ദേവ്ഗണിന് പിറന്നാളാശംസ നേർന്ന് ആർആർആർ ടീം. ചിത്രത്തിൻ്റെ സംവിധായകൻ രാജമൌലിയും താരത്തിന് ആശംസ നേർന്നിട്ടുണ്ട്. ബാഹുബലി എന്ന ബ്രഹ്മാണ്ഡ ചിത്രത്തിന് ശേഷം രാജമൗലി സംവിധാനം ചെയ്യുന്ന ബ്രഹ്മാണ്ഡ ചിത്രമായ ആർആർആർ അണിയറയിൽ പുരോഗമിക്കുകയാണ്. ജൂനിയർ എൻടിആറാണ് ഒരു മുഖ്യ കഥാപാത്രത്തെ അവതരിപ്പിക്കുന്നത്. ‘ആര്‍ആര്‍ആര്‍’ എന്ന് പേരിട്ടിരിക്കുന്ന ചിത്രത്തിന്റെ പൂർണ രൂപം ‘രുധിരം രണം രൗദ്രം’ എന്നാണ്. ചിത്രത്തിലെ ഒരു പ്രധാന കഥാപാത്രത്തെ അവതരിപ്പിക്കുന്നത് ബോളിവുഡ് സൂപ്പർ താരം അജയ് ദേവ്ഗണാണ്.

അജയ് ദേവ്ഗണിൻ്റെ സിനിമയിലെ കഥാപാത്രത്തെ പുറത്ത് വിട്ടുകൊണ്ടായിരുന്നു സിനിമാ അണിയറക്കാർ പ്രിയതാരത്തിന് ആശംസ നേർന്നത്. ആരാധകരൊക്കെ ഈ വിശേഷം ഏറ്റെടുത്തിരിക്കുകയാണ്. മുൻപ് ചിത്രത്തിലെ താരങ്ങളായ രാംചരണിൻ്റെ പിറന്നാൾ ദിനത്തിലും തെലുങ്ക് സൂപ്പർ സ്റ്റാർ ജൂനിയർ എൻടിആറിൻ്റെ പിറന്നാൾ ദിനത്തിലും ചിത്രത്തിൽ സീതയായി എത്തുന്ന ആലിയയുടെ പിറന്നാൾ ദിനത്തിലുമൊക്കെ ആശംസകൾ ഇതേ രീതിയിൽ തന്നെ പുറത്ത് വിട്ടിരുന്നു.

300 കോടി ബജറ്റില്‍ ഒരുങ്ങുന്ന ചിത്രം പറയുന്നത് ഒരു ചരിത്ര കഥയാണ്. 1920കളിലെ സ്വാതന്ത്യ സമരസേനാനികളായ അല്ലൂരി സീതാരാമ രാജു, കോമരം ഭീം എന്നീവരുടെ കഥയാണ് ഈ ചിത്രം പറയുന്നത്. സ്വാതന്ത്ര്യത്തിന് മുമ്പ് തെലങ്കാനയിലെ ആദിവാസി പോരാട്ടങ്ങള്‍ക്ക് നേതൃത്വം കൊടുത്ത സമര നേതാക്കളാണ് ഇവർ. രാം ചരൺ ചിത്രത്തിൽ അല്ലൂരി സാതാരാമ രാജു ആയി എത്തുമ്പോൾ ജൂനിയർ എൻടിആറാണ് വെള്ളിത്തിരയിൽ കോമരം ഭീം ആയി പ്രത്യക്ഷപ്പെടുന്നത്.

ബ്രിട്ടീഷ് നടി ഡെയ്‌സി എഡ്ജര്‍ ജോണ്‍സാണ് ചിത്രത്തിൽ മറ്റൊരു സുപ്രധാന കഥാപാത്രത്തെ അവതരിപ്പിക്കുന്നത്. തമിഴ് നടന്‍ സമുദ്രക്കനിയും ചിത്രത്തിൽ എത്തുന്നതായു സംവിധായകൻ രാജമൌലി മുൻപ് വ്യക്തമാക്കിയിരുന്നു. ഈ ചിത്രം തരംഗം സൃഷ്ടിക്കുമെന്നും അണിയറക്കാർ പറഞ്ഞിരുന്നു.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here
ksfe-diamond
bhima-jewel

Latest News