രമേശ് ചെന്നിത്തലക്കെതിരെ പരാതിയുമായി കണ്ണൂരിലെ ഇരട്ടകളും രംഗത്തെത്തി. ഇരട്ടവോട്ട് പട്ടികയില്‍ ഉള്‍പ്പെട്ട ഇരട്ട സഹോദരങ്ങള്‍ ചെന്നിത്തലക്കെതിരെ പോലീസില്‍ പരാതി നല്‍കി. കണ്ണൂര്‍ കുറ്റിയാട്ടൂരിലെ ജിതിനും ജിഷ്ണുവും കയരളത്തെ സ്‌നേഹയും ശ്രേയയും ആണ് പരാതി നല്‍കിയത്. വ്യാജ വോട്ടറെന്ന പേരില്‍ അപമാനിച്ചതിന് ചെന്നിത്തലക്കെതിരെ നിയമ നടപടി സ്വീകരിക്കണമെന്നാണ് ഇവരുടെ് ആവശ്യം.
ഇരട്ട വോട്ട് ആരോപണത്തില്‍ പ്രതിപക്ഷ നേതാവ് രമേശ് ചെന്നിത്തലക്കെതിരെ പാലക്കാട് ഒറ്റപ്പാലം തോട്ടക്കര സ്വദേശി അരുണും പോലീസിനും തിരഞ്ഞെടുപ്പ് കമ്മീഷനും പരാതി നല്‍കിയിരുന്നു.
അരുണിന്റെയും ഇരട്ട സഹോദരന്റെയും വോട്ട് കള്ളവോട്ട് ചെയ്യാനായുണ്ടാക്കിയ ഇരട്ട വോട്ടാണെന്ന തരത്തില്‍ വെബ്‌സൈറ്റ് വഴിയും സമൂഹ മാധ്യമം വഴിയും വസ്തുതാ വിരുദ്ധമായി പ്രചരിപ്പിച്ചുവെന്ന് കാണിച്ചാണ് പരാതി നല്‍കിയത്.
ഒറ്റപ്പാലം നിയമസഭാ മണ്ഡലത്തിലെ തോട്ടക്കരയിലെ 135-ാം നമ്പര്‍ പോളിംഗ് ബൂത്തില്‍ 642-ാം നമ്പര്‍ വോട്ടറാണ് അരുണ്‍. അരുണിന്റെ ഇരട്ട സഹോദരന്‍ വരുണ്‍ ഇതേ പോളിംഗ് ബൂത്തിലെ 641-ാം നമ്പര്‍ വോട്ടറാണ്. കഴിഞ്ഞ ദിവസം രമേശ് ചെന്നിത്തല വെബ് സൈറ്റ് വഴി പുറത്തു വിട്ട പട്ടികയില്‍ അരുണിന്റെയും വരുണിന്റെയും പേരുകള്‍ ഇരട്ട വോട്ടാണെന്ന രീതിയില്‍ ഉള്‍പ്പെട്ടിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
