ഇന്ത്യന് ക്രിക്കറ്റ് ടീമിലെ മുന്നിര ബൗളര്മാരായ ഷര്ദുല് താക്കൂറിനും നടരാജനും മഹീന്ദ്ര ഥാര് സമ്മാനിച്ച് ആനന്ദ് മഹീന്ദ്ര. കഴിഞ്ഞദിവസം വാഹനം ഏറ്റുവാങ്ങിയതിന്റെ ചിത്രങ്ങള് ഇരുവരും സമൂഹ മാധ്യമങ്ങളില് പങ്കുവെച്ചു.
ഈ വര്ഷം ആദ്യം നടന്ന ആസ്ട്രേലിയ-ഇന്ത്യ ടെസ്റ്റ് പരമ്ബരയില് അവിശ്വസനീയ പ്രകടനം കാഴ്ചവെച്ചതിനാണ് ആറ് താരങ്ങള്ക്ക് ഓഫ്റോഡര് സമ്മാനിക്കാന് മഹീന്ദ്ര ആന്ഡ് മഹീന്ദ്ര ചെയര്മാന് ആനന്ദ് മഹീന്ദ്ര തീരുമാനിച്ചത്. നടരാജന്, താക്കൂര് എന്നിവരെ കൂടാതെ മുഹമ്മദ് സിറാജ്, വാഷിംഗ്ടണ് സുന്ദര്, ശുഭ്ന് ഗില്, നവദീപ് സൈനി എന്നിവര്ക്കും ഥാര് സമ്മാനിക്കും. 1988ന് ശേഷം ആസ്ട്രേലിയയില് ആദ്യമായാണ് ഇന്ത്യ ടെസ്റ്റ് പരമ്ബര നേടുന്നത്. 2-1നാണ് പരമ്ബര കൈപിടിയിലൊതുക്കിയത്.
ചുവപ്പ് നിറത്തിലുള്ള വാഹനമാണ് നടരാജന് ലഭിച്ചത്. ‘ഇന്ത്യക്കായി ക്രിക്കറ്റ് കളിക്കുന്നത് ജീവിതത്തിലെ ഏറ്റവും വലിയ അനുഗ്രഹമാണ്. എന്റെ ഉയര്ച്ചകള് അസാധാരണമായ വഴികളിലൂടെയായിരുന്നു. അതിനിടയില് എനിക്ക് ലഭിച്ച സ്നേഹവും മമതയും എന്നെ അതിശയിപ്പിച്ചു. മഹത് വ്യക്തികളില്നിന്നുള്ള പിന്തുണയും പ്രോത്സാഹനവുമെല്ലാം എന്നെ അസാധ്യമായത് എത്തിപ്പിടിക്കാനും അതിനുള്ള വഴികള് കണ്ടെത്താനും സഹായിക്കുന്നു. മനോഹരമായ മഹീന്ദ്ര ഥാര് ഇന്ന് ഞാന് വീട്ടിലേക്ക് ഒാടിച്ചപോകുേമ്ബാള്, എന്റെ വഴികള് തിരിച്ചറിഞ്ഞതിനും അഭിനന്ദനത്തിനും ആനന്ദ് മഹീന്ദ്രയോട് അതിയായ നന്ദിയുണ്ട്’ -നടരാജന് വാഹനത്തിന്റെ ചിത്രം പങ്കുവെച്ച് ട്വീറ്റ് ചെയ്തു.
ഗ്രേ നിറത്തിലുള്ള ഥാറാണ് ഷര്ദുല് താക്കൂറിന് ലഭിച്ചത്. ‘പുതിയ മഹീന്ദ്ര ഥാര് എത്തി !! തികച്ചും വന്യമായ വാഹനമാണ് മഹീന്ദ്ര റൈസ് നിര്മിച്ചിരിക്കുന്നത്. ഈ എസ്.യു.വി ഓടിക്കുന്നതില് ഞാന് അതിയായി സന്തോഷിക്കുന്നു. ആസ്ട്രേലിയന് പര്യടനത്തിലെ ഞങ്ങളുടെ സംഭാവനകളെ അംഗീകരിച്ചതിന് വീണ്ടും നന്ദി’ -താക്കൂര് ട്വിറ്ററില് കുറിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here