മെഡിക്കല്‍ വിദ്യാര്‍ത്ഥികളായ നവീന്റെയും ജാനകിയുടേയും റാസ്പുടിന്‍ ഡാന്‍സ് വീഡിയോ സോഷ്യല്‍ മീഡിയയില്‍ തരംഗമായിരിക്കുകയാണ്. 30 സെക്കന്‍ഡ് മാത്രമുളള നൃത്തവീഡിയോയില്‍ ഇരുവരുടേയും ചടുലമായ നൃത്തച്ചുവടുകള്‍ വലിയ കയ്യടിയാണ് നേടിയിരുന്നത്.
എന്നാല്‍ അതിനിടെയാണ് ചില സംഘപരിവാര്‍ അനുകൂല പ്രൊഫൈലുകള്‍ സോഷ്യല്‍ മീഡിയയില്‍ ഇരുവരുടേയും മതം ചൂണ്ടിക്കാട്ടി വിദ്വേഷ പ്രചരണം നടത്തിയിരുന്നു.ഇതിനെതിരെ ജാനകിക്കും നവീനും ഐക്യദാര്‍ഢ്യം അറിയിച്ച് ചലച്ചിത്ര പ്രവര്‍ത്തക രേവതി സമ്പത്ത് രംഗത്തെത്തിയിരിക്കുകയാണ്.തന്റെ ഫെയ്‌സ് ബുക്ക് പോസ്റ്റിലുടെയാണ് താരം ഇരുവര്‍ക്കുമുള്ള ഐക്യദാര്‍ഢ്യം അറിയിച്ചിരിക്കുന്നത്.
രേവതി സമ്പത്തിന്റെ ഫെയ്‌സ് ബുക്ക് പോസ്റ്റിന്റെ പൂര്‍ണ്ണ രൂപം ചുവടെ
രണ്ട്,മെഡിക്കല്‍ വിദ്യാര്‍ഥികള്‍ അതിമനോഹരമായി നൃത്തം ചെയ്യുന്നു.അത് വയറല്‍ ആകുന്നു.അവരുടെ ആ കഴിവിനെ ജനങ്ങള്‍ ആഘോഷമാക്കി എടുക്കുന്നു.കണ്ടിട്ടും കണ്ടിട്ടും മതി വരാത്തത്ര അഴക് അവരുടെ ചലനങ്ങള്‍ക്ക്.കല എന്ന സത്യം നിറഞ്ഞ് തുളുമ്പുന്ന മൂര്‍ച്ചയേറിയ ചലനങ്ങള്‍ അതില്‍ കാണാം.എന്നാല്‍ കാലാകാലങ്ങളായി നാടിനെ പുറകോട്ട് കൊണ്ട് പോകാനും, വര്‍ഗ്ഗീയ വിഷം എങ്ങും പരത്താനും ഓരോ നിമിഷവും പണിയെടുത്തുകൊണ്ടിരിക്കുന്ന കൃഷ്ണ രാജിനെ പോലുള്ള വര്‍ഗ്ഗീയവാദികള്‍ക്ക് കലയൊക്കെ വിദൂരമായി നില്‍ക്കുന്ന ഒരു കെട്ടുകഥയും മറിച്ച് നവീന്‍ എന്ന മുസ്ലീമും ജാനകി എന്ന ഹിന്ദുവും ആണ് വിഷയം.എടൊ, താന്‍ വക്കീല്‍ തന്നെ ആണോ അതോ പന്തികേട് അളന്നു നടക്കല്‍ ആണോ തന്റെ പണി.എന്തിനെയും ഏതിനെയും ഒരേ കണ്ണില്‍ കാണാന്‍ താനും തന്റെ കോണകങ്ങളും കൂടെ ഉണ്ടാക്കാന്‍ തുടങ്ങിയിട്ട് കുറെ കാലം ആയല്ലോ.ജാനകിയുടെ അച്ഛനും അമ്മയും സൂക്ഷിക്കാന്‍ പറയാന്‍ ലോകത്ത് ഉള്ള എല്ലാരും തന്നെ പോലുള്ള വിഡ്ഢികൂശ്മാണ്ഡങ്ങളാണ് എന്ന തന്റെ തോന്നല്‍ എടുത്ത് എറിയടോ. അന്യരുടെ പ്രൈവസിയില്‍ ജഡ്ജ്‌മെന്റ് പറയുന്നു, കലയെ ആക്ഷേപിക്കുന്നു,ജാനകിയുടെ മാതാപിതാക്കളെ പരിഹസിക്കുന്നു,താന്‍ എവിടുത്തെ വക്കീല്‍ എന്നാണ് പറഞ്ഞത്?
ഡോക്ടര്‍മാര്‍ നൃത്തം ചെയ്യും, പാട്ടുപാടും, അഭിനയിക്കും, അവര്‍ക്ക് തോന്നുന്നതെല്ലാം ചെയ്യും. മജ്ജയും മാംസവും രക്തവും ഉള്ള മനുഷ്യര്‍ തന്നെയാണവരും. തനിക്കിത് സഹിക്കുന്നില്ല എങ്കില്‍, താന്‍ ഒരു കാര്യം ചെയ്യ്. ജയ് ശ്രീ റാം ഇട്ടിട്ട് രണ്ട് തുള്ളക്കം തുള്ള്. അപ്പോള്‍ അടങ്ങിക്കോളും തന്റെ യഥാര്‍ത്ഥ പ്രശ്‌നം.
നവീന്‍-ജാനകി,
ഈ അതുല്യ പ്രതിഭകള്‍ക്ക് ഒത്തിരി സ്‌നേഹം.ഇനിയും മുന്നോട്ട്..ചുവടുകള്‍ എന്നെന്നും മുന്നോട്ട്.ലെവന്മാരുടെ നെഞ്ചത്ത് തന്നെ ആകട്ടെ ഇനിയും. അഭിവാദ്യങ്ങള്‍.
ഈ വര്‍ഗ്ഗീയവാദികളുടെ മോങ്ങല്‍ ബിജിഎം ആക്കി ഇട്ട് തകര്‍ത്ത് നൃത്തമാടു ??
Step 2: Place this code wherever you want the plugin to appear on your page.
രണ്ട്,മെഡിക്കൽ വിദ്യാർഥികൾ അതിമനോഹരമായി നൃത്തം ചെയ്യുന്നു.അത് വയറൽ ആകുന്നു.അവരുടെ ആ കഴിവിനെ ജനങ്ങൾ ആഘോഷമാക്കി…
Posted by Revathy Sampath on Thursday, 8 April 2021
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
