കോഴിക്കോട് ഗവ. മെഡിക്കല് കോളജ് ആശുപത്രിയില് കൊവിഡ്
ചികിത്സയിലുള്ള മുഖ്യമന്ത്രി പിണറായി വിജയന്റെ ആരോഗ്യനില തൃപ്തികരമാണെന്ന് ആശുപത്രി അധികൃതര് അറിയിച്ചു.
മുഖ്യമന്ത്രിക്ക് നേരിയ രോഗലക്ഷണങ്ങള് മാത്രമാണുള്ളത്. മറ്റ് ആരോഗ്യ പ്രശ്നങ്ങളൊന്നും ഇല്ലെന്ന് മെഡിക്കല് ബോര്ഡ് യോഗത്തിനു ശേഷം ആരോഗ്യമന്ത്രി കെ.കെ. ശൈലജ മാധ്യമങ്ങളെ അറിയിച്ചു. നിലവിലെ സ്ഥിതിയില് തുടരുകയാണെങ്കില് നാല്, അഞ്ച് ദിവസങ്ങള്ക്കുള്ളില് ആശുപത്രി വിടാം. എന്നാല്, കോവിഡിന്റെ കാര്യത്തില് അത്തരം ഉറപ്പുകള്ക്ക് പ്രസക്തിയില്ലെന്നും രോഗം മാറിയശേഷം മാത്രമേ മാറിയെന്ന് സ്ഥിരീകരിക്കാനാവൂവെന്നും മന്ത്രി പറഞ്ഞു.
മുഖ്യമന്ത്രിയുടെ മകള് വീണക്കാണ് ആദ്യം രോഗം സ്ഥിരീകരിച്ചത്. മകള്, മരുമകന് മുഹമ്മദ് റിയാസ്, ചെറുമകന് ഇഷാന് എന്നിവരും കോവിഡ് ബാധിതരായി മെഡിക്കല് കോളജില് ചികിത്സയിലുണ്ട്. എല്ലാവരുടെയും ആരോഗ്യനില തൃപ്തികരമാണെന്നും മന്ത്രി കെ.കെ. ശൈലജ അറിയിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here