രാജീവ് രവി സംവിധാനം ചെയ്തേ ആസിഫ് അലി മുഖ്യ വേഷത്തിലെത്തുന്ന ‘കുറ്റവും ശിക്ഷയും’ ജൂലൈ 2ന് തിയറ്ററുകളില്‍ പ്രദര്‍ശനത്തിനെത്തും. രാജീവ് രവിയും ആസിഫ് അലിയും ഒന്നിക്കുന്ന ഈ പൊലീസ് ഇന്‍വെസ്റ്റിഗേഷന്‍ ത്രില്ലറിന്റെ ഫസ്റ്റ് ലുക്ക് പോസ്റ്റര്‍ സോഷ്യല്‍ മീഡിയയില്‍ തരംഗമായിരുന്നു. അതിനിടെ ചിത്രം ഒടിടി റിലീസ് ആണെന്ന അഭ്യൂഹവും പരന്നിരുന്നു.
ഏറ്റവുമധികം യാഥാര്‍ഥ്യത്തോടടുടുത്തു നില്‍ക്കുന്ന ഒരു പൊലീസ് സ്റ്റോറി എന്ന നിലയിലാണ് ‘കുറ്റവും ശിക്ഷയും’ കാത്തിരിക്കപ്പെടുന്നത്. തൊണ്ടിമുതലും ദൃക്സാക്ഷിയും എന്ന ചിത്രത്തിലൂടെ പ്രശസ്തനായ നടനും പോലീസ് ഉദ്യോഗസ്ഥനുമായ സിബി തോമസാണ് ഈ ചിത്രത്തിന് കഥ ഒരുക്കിയിരിക്കുന്നത്. മാധ്യമപ്രവര്‍ത്തകനും തിരക്കഥാകൃത്തുമായ ശ്രീജിത്ത് ദിവാകരനും സിബി തോമസും ചേര്‍ന്നാണ് ചിത്രത്തിനായി തിരക്കഥ തയാറാക്കിയിരിക്കുന്നത്.
ഫിലിംറോള്‍ പ്രൊഡക്ഷന്‍സിന്റെ ബാനറില്‍ അരുണ്‍കുമാര്‍ വി.ആറാണ് നിര്‍മാണം. ഇയ്യോബിന്റെ പുസ്തകം, സി.ഐ.എ , വരത്തന്‍ , തുറമുഖം എന്നീ ചിത്രങ്ങളുടെ എക്സിക്യൂട്ടീവ് പ്രൊഡ്യൂസര്‍ ആയിരുന്നു അരുണ്‍ കുമാര്‍. ബി.അജിത്കുമാര്‍ എഡിറ്റിങ്ങും സുരേഷ് രാജന്‍ ക്യാമറയും സംഗീത സംവിധാനം ഡോണ്‍ വിന്‍സെന്റും നിര്‍വഹിച്ചിരിക്കുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
