മഹാരാഷ്ട്രയിൽ നിരോധനാജ്ഞ നടപ്പിലായി; ഇന്നും പുതിയ കേസുകളിൽ വൻ കുതിച്ചുചാട്ടം

മഹാരാഷ്ട്രയിൽ ഇന്ന് രാത്രി 8 മണിയോട് കൂടി നിരോധനാജ്ഞ  പ്രാബല്യത്തിൽ വന്നു. സംസ്ഥാനത്ത് 58,952 പുതിയ കോവിഡ് -19 കേസുകൾ കൂടി റിപ്പോർട്ട് ചെയ്തു.

കഴിഞ്ഞ 24 മണിക്കൂറിനുള്ളിൽ സംസ്ഥാനത്ത് 278 മരണങ്ങൾ രേഖപ്പെടുത്തിയിട്ടുണ്ട്. ആകെ കേസുകൾ ഇപ്പോൾ 35,78,160 ആയി. നിലവിൽ 6,12,070 കേസുകൾ സജീവമാണ്.

മുംബൈയിൽ 9,925 പുതിയ കോവിഡ് -19 കേസുകൾ കൂടി റിപ്പോർട്ട് ചെയ്തു. കോവിഡ് -19 മൂലമുണ്ടായ 54 മരണങ്ങളും   നഗരത്തിൽ രജിസ്റ്റർ ചെയ്തിട്ടുണ്ട്. രാജ്യത്തിന്റെ സാമ്പത്തിക തലസ്ഥാനത്ത്    9,273 പേർ രോഗമുക്തിയും നേടി.

കേസുകളുടെ വർദ്ധനയോടെ, മൊത്തം രോഗബാധിതരുടെ  എണ്ണം  5,44,942 ആയി ഉയർന്നു. നഗരത്തിലെ സജീവമായ കോവിഡ് -19 കേസുകൾ 87,443 ആയി ഉയർന്നു. സംസ്ഥാന അധികൃതർ പുറത്തുവിട്ട ബുള്ളറ്റിൻ പ്രകാരം ഈ ഘട്ടത്തിൽ രോഗമുക്തി നിരക്ക് 81% ആണ്.

ഇന്ന് രാത്രി മുതൽ സംസ്ഥാനത്ത്  നിരോധനാജ്ഞ നടപ്പിലാക്കും.  ഇത് പൊതു ജീവിതത്തെ പരിമിതപ്പെടുത്തും. അവശ്യ മേഖലയിലെ ജീവനക്കാർക്ക് മാത്രമായി  പൊതുഗതാഗതവും ചുരുങ്ങും.   ഇ-കൊമേഴ്‌സ് കമ്പനികളും അവശ്യവസ്തുക്കൾ വിൽക്കാൻ മാത്രമായി ഇതോടെ പരിമിതപ്പെടുത്തും.