സംസ്ഥാനത്ത് ഓ​ക്സി​ജ​ന്‍ ഭൗ​ര്‍​ല​ഭ്യം ഉണ്ടാകില്ല; രോഗപ്രതിരോധത്തിനും ചികിത്സയ്ക്കുമുള്ള സംവിധാനങ്ങളെല്ലാം ഒരുക്കിയിട്ടുണ്ട്

കൊവി​ഡ്-19​ന്‍റെ ര​ണ്ടാം ത​രം​ഗം നേ​രി​ടു​ന്ന​തി​ന് ശ​ക്ത​മാ​യ സം​വി​ധാ​ന​മാ​ണ് സം​സ്ഥാ​നം കൈ​ക്കൊ​ള്ളു‌​ന്ന​തെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍. സം​സ്ഥാ​ന​ത്ത് ഓ​ക്സി​ജ​ന്‍ ഭൗ​ര്‍​ല​ഭ്യം നി​ല​വി​ല്ല.

രോഗപ്രതിരോധത്തിനും ചികിത്സയ്ക്കുമുള്ള സംവിധാനങ്ങളെല്ലാം സര്‍ക്കാര്‍ ഒരുക്കിയിട്ടുണ്ടെന്നും മുഖ്യമന്ത്രി പറഞ്ഞു.

ഐ​സി​യു, വെ​ന്‍റി​ലേ​റ്റ​ര്‍ സൗ​ക​ര്യ​ങ്ങ​ളും ആ​വ​ശ്യ​ത്തി​നു​ണ്ടെ​ന്നും പി​ണ​റാ​യി വ്യ​ക്ത​മാ​ക്കി. കോ​വി​ഡ് പ്ര​തി​രോ​ധ​ത്തി​ന്‍റെ ഭാ​ഗ​മാ​യി കൂ​ടു​ത​ല്‍ നി​യ​ന്ത്ര​ണ​ങ്ങ​ളും മു​ഖ്യ​മ​ന്ത്രി പ്ര​ഖ്യാ​പി​ച്ചു. മുഖ്യമന്ത്രിയുടെ വാക്കുകള്‍ ഇങ്ങനെ:

ലോ​ക​ത്താ​കെ 30 ല​ക്ഷം പേ​ര്‍ കോ​വി​ഡ് ബാ​ധി​ച്ച്‌ മ​രി​ച്ചു. രാ​ജ്യ​ത്ത് ര​ണ്ടാം ത​രം​ഗം ആ​രോ​ഗ്യ​വി​ദ​ഗ്ധ​രു​ടെ പ്ര​തീ​ക്ഷ​യ്ക്ക് അ​പ്പു​റ​ത്തു​ള്ള വേ​ഗം ആ​ര്‍​ജി​ച്ചു. ആ​ശ​ങ്കാ​ജ​ന​ക​മാ​യ സാ​ഹ​ച​ര്യ​മാ​ണ്. മ​ര​ണ​വും ചി​കി​ത്സ ല​ഭി​ക്കാ​ത്ത​തും കി​ട​ക്ക​ക​ളി​ല്ലാ​ത്ത​തു​മാ​യ വാ​ര്‍​ത്ത വ​രു​ന്നു. ഒ​ന്നാം ത​രം​ഗ​ത്തി​ല്‍ പ​ര​മാ​വ​ധി പേ​ര്‍​ക്ക് രോ​ഗം വ​രാ​തി​രി​ക്കാ​ന്‍ ശ്ര​മി​ച്ചു.

രോ​ഗി​ക​ള്‍​ക്ക് മി​ക​ച്ച ചി​കി​ത്സ​യും ല​ഭ്യ​മാ​ക്കി. രോ​ഗം ഉ​ച്ഛ​സ്ഥാ​യി​യി​ലെ​ത്തു​ന്ന​ത് പ​ര​മാ​വ​ധി വൈ​കി​പ്പി​ക്കാ​ന്‍ സാ​ധി​ച്ചു. ഏ​റ്റ​വും ആ​ദ്യം രോ​ഗം റി​പ്പോ​ര്‍​ട്ട് ചെ​യ്ത കേ​ര​ള​ത്തി​ല്‍ അ​വ​സാ​ന​മാ​ണ് രോ​ഗ​വ്യാ​പ​നം ഉ​ണ്ടാ​യ​ത്. വ​ള​രെ കു​റ​ഞ്ഞ മ​ര​ണ​നി​ര​ക്ക് നി​ല​നി​ര്‍​ത്താ​ന്‍ സാ​ധി​ച്ചെ​ന്നും മു​ഖ്യ​മ​ന്ത്രി പ​റ​ഞ്ഞു.

ശ​ക്ത​മാ​യ ആ​രോ​ഗ്യ​സം​വി​ധാ​നം സ​ജ്ജീ​ക​രി​ച്ചു സം​സ്ഥാ​ന​ത്ത്. നി​ല​വി​ല്‍ ഓ​ക്സി​ജ​ന്‍ 74.25 മെ​ട്രി​ക് ട​ണ്‍ ആ​ണ്. 219.22 മെ​ട്രി​ക് ട​ണ്‍ ഓ​ക്സി​ജ​ന്‍ ഉ​ല്‍​പ്പാ​ദി​പ്പി​ക്കു​ന്നു​ണ്ട്. 9735 ഐ​സി​യു കി​ട​ക്ക​ക​ള്‍ സം​സ്ഥാ​ന​ത്ത് സ​ര്‍​ക്കാ​ര്‍-​സ്വ​കാ​ര്യ മേ​ഖ​ല​യി​ലു​ണ്ട്.

സ​ര്‍​ക്കാ​ര്‍ ആ​ശു​പ​ത്രി​ക​ളി​ലെ 2650 ഐ​സി​യു കി​ട​ക്ക​ക​ള്‍ മാ​ത്ര​മെ​ടു​ത്താ​ല്‍ കോ​വി​ഡ് നോ​ണ്‍ കോ​വി​ഡ് ബാ​ധി​ത​ര്‍ 50 ശ​ത​മാ​ന​മേ ഉ​ള്ളൂ. 3776 വെ​ന്‍റി​ലേ​റ്റ​ര്‍ സം​സ്ഥാ​ന​ത്തു​ണ്ട്. 277 വെ​ന്‍റി​ലേ​റ്റ​റി​ലാ​ണ് നി​ല​വി​ല്‍ കോ​വി​ഡ് രോ​ഗി​ക​ള്‍ ഉ​ള്ള​ത്.

2653 സ​ര്‍​ക്കാ​ര്‍ വെ​ന്‍റി​ലേ​റ്റ​റി​ല്‍ 18.22 ശ​ത​മാ​നം മാ​ത്ര​മാ​ണ് രോ​ഗി​ക​ളു​ള്ള​ത്. 2249 കേ​ന്ദ്ര​ങ്ങ​ളി​ലാ​യി 1,99,256 കി​ട​ക്ക​ക​ള്‍ സം​സ്ഥാ​ന​ത്ത് സ​ജ്ജ​മാ​ണ്. കോ​വി​ഡ് ചി​കി​ത്സ ന​ല്‍​കാ​ന്‍ 136 സ്വ​കാ​ര്യ ആ​ശു​പ​ത്രി​ക​ളി​ല്‍ 5713 കി​ട​ക്ക​ക​ളു​ണ്ട്. സ​മ​ഗ്ര​വും സു​സ​ജ്ജ​വു​മാ​യ സം​വി​ധാ​നം ഒ​രു​ക്കി. വ​രും ദി​വ​സ​ങ്ങ​ളി​ല്‍ അ​വ വി​പു​ലീ​ക​രി​ക്കും.

ബ്രേ​ക് ദി ​ചെ​യി​ന്‍ ശ​ക്ത​മാ​യി മു​ന്നോ​ട്ട് കൊ​ണ്ടു​പോ​ക​ണം. ത​ദ്ദേ​ശ സ്ഥാ​പ​ന​ങ്ങ​ള്‍ മു​ന്‍​കൈ​യെ​ടു​ക്ക​ണം. ഓ​രോ ത​ദ്ദേ​ശ സ്ഥാ​പ​ന​വും ബ്രേ​ക് ദി ​ചെ​യി​ന്‍ കൃ​ത്യ​മാ​യി പാ​ലി​ക്ക​പ്പെ​ടു​ന്നു​ണ്ടോ​യെ​ന്ന് ഉ​റ​പ്പാ​ക്ക​ണം. ആ​ള്‍​ക്കൂ​ട്ടം, അ​ട​ഞ്ഞ സ്ഥ​ലം അ​ടു​ത്ത് ഇ​ട​പെ​ട​ല്‍ എ​ന്നി​വ ഒ​ഴി​വാ​ക്ക​ണം. ഇ​ത് അ​നി​വാ​ര്യ​മാ​ണ്. രോ​ഗ​വ്യാ​പ​ന തോ​ത് ശ​ക്ത​മാ​യ സാ​ഹ​ച​ര്യ​മാ​ണ്. ആ​ളു​ക​ള്‍ കൂ​ട്ടം ചേ​ര​രു​ത്.

പ്രോ​ട്ടോ​ക്കോ​ള്‍ പ്ര​കാ​രം അ​നു​വ​ദ​നീ​യ​മാ​യ​തി​ല്‍ കൂ​ടു​ത​ല്‍ ആ​ളു​ക​ളു​ള്ള ഒ​രു പ​രി​പാ​ടി​യും പാ​ടി​ല്ല. അ​ട​ഞ്ഞ ഇ​ട​ങ്ങ​ളി​ല്‍ കൂ​ട്ടം ചേ​രു​ന്ന​തും ഒ​ഴി​വാ​ക്ക​ണം. വാ​ക്സീ​നേ​ഷ​ന്‍ പ​ര​മാ​വ​ധി പേ​ര്‍​ക്ക് വേ​ഗ​ത്തി​ല്‍ ന​ല്‍​കു​ക പ്ര​ധാ​ന​മെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ര്‍​ത്തു.

കൈരളി ന്യൂസ് വാര്‍ത്തകള്‍ ഇപ്പോള്‍ വാട്സ്ആപ്പിലും ലഭ്യമാണ് കൈരളി ന്യൂസ് വാര്‍ത്തകള്‍ വാട്സ്ആപ്പില്‍ ലഭിക്കുന്നതിനായി ഇവിടെ ക്ലിക്ക് ചെയ്യുക