കണ്ണൂർ സെൻട്രൽ ജയിലിൽ കോവിഡ് വ്യാപനം രൂക്ഷമാകുന്നു. ഇന്ന് 83 പേർക്ക് കോവിഡ് സ്ഥിരീകരിച്ചു.73 തടവുകാർക്കും 10 ജീവനക്കാർക്കുമാണ് പോസിറ്റീവായത്.
ഇന്നലെ 71 പേർക്കും കോവിഡ് സ്ഥിരീകരിച്ചിരുന്നു.അതേസമയം, കൂടുതൽ തടവുകാരിൽ രോഗം കണ്ടെത്തിയതിനാൽ ജയിലിനുള്ളിൽതന്നെ പ്രത്യേക ചികിത്സ ബ്ലോക്കൊരുക്കിയിരിക്കുകയാണെന്ന് കണ്ണൂർ സെൻട്രൽ ജയിൽ ജോയൻറ് സൂപ്രണ്ട് മാധ്യമങ്ങളോട് പറഞ്ഞു. ഇത്രയും തടവുകാരെ ചികിത്സാകേന്ദ്രത്തിലേക്ക് മാറ്റുകയെന്നത് പ്രായോഗിക കാര്യമല്ല. കേന്ദ്രത്തിലുള്ള മറ്റുരോഗികളുടെയും തടവുകാരുടെയും സുരക്ഷയെ ബാധിക്കുന്ന കാര്യമാണത്. അതിനാലാണ് ജയിലിനുള്ളിൽതന്നെ ചികിത്സാ സൗകര്യമൊരുക്കുന്നതെന്നും അദ്ദേഹം പറഞ്ഞു. കൂടാതെ ഇവരുമായി പ്രാഥമിക സമ്പർക്കം പുലർത്തിയവരെ പ്രത്യേക ബ്ലോക്കുകളിലേക്ക് മാറ്റിയിരിക്കുകയാണ്.
ഇതോടെ ജയിലിനുള്ളിൽ കൂടുതൽ നിയന്ത്രണങ്ങൾ ഏർപ്പെടുത്താൻ ഒരുങ്ങുകയാണ് അധികൃതർ. സന്ദർശകർക്ക് താൽക്കാലിക വിലക്ക് ഏർപ്പെടുത്തും. തടവുപുള്ളികൾക്ക് തൽക്കാലത്തേക്ക് ജയിലിനുള്ളിലെ ജോലികൾ നൽകില്ലെന്നും അധികൃതർ അറിയിച്ചു .
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here