മഹാരാഷ്ട്രയില്‍ എല്ലാവര്‍ക്കും കൊവിഡ് വാക്സിനേഷന്‍ സൗജന്യമായി നൽകുമെന്ന് മന്ത്രി നവാബ് മാലിക്. രാജ്യത്ത് കൊവിഡ് ഏറ്റവും രൂക്ഷമായി ബാധിച്ച സംസ്ഥാനങ്ങളില്‍ ഒന്നായ മഹാരാഷ്ട്രയില്‍ പ്രതിദിനം 60000ത്തില്‍ കൂടുതല്‍ പേര്‍ക്കാണ് രോഗബാധ സ്ഥിരീകരിക്കുന്നത്.
കാബിനറ്റില്‍ തീരുമാനം ചര്‍ച്ച ചെയ്തതാണെന്നും വാക്സിനേഷനായുള്ള ആഗോള ടെന്‍ഡര്‍ വിളിക്കുമെന്നും നവാബ് മാലിക് പറഞ്ഞു. മഹരാഷ്ട്രക്ക് പുറമേ മധ്യപ്രദേശ്, ജമ്മു കശ്മീര്‍, ഗോവ, കേരളം, ഛത്തിസ്ഗഢ്, ബീഹാര്‍, ഝാര്‍ഖണ്ഡ്, അസം, സിക്കിം, പശ്ചിമ ബംഗാള്‍, തമിഴ് നാട്, ആന്ധ്രപ്രദേശ്, തെലങ്കാന, ഹരിയാന എന്നീ സംസ്ഥാനങ്ങളും പ്രായപൂര്‍ത്തിയായവര്‍ക്ക് വാക്സിനേഷന്‍ സൗജന്യമായിരിക്കുമെന്ന് പ്രഖ്യാപിച്ചിരുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ താഴെ ലിങ്കില്‍ ക്ലിക്ക് ചെയ്യുക.
Click Here
