സംസ്ഥാനത്തെ മുഴുവനാളുകൾക്കും സൗജന്യ വാക്സിനുകൾ നൽകുമെന്ന്​ ദില്ലി സർക്കാർ

കേരളത്തിന്​ പിന്നാലെ സംസ്ഥാനത്തെ മുഴുവനാളുകൾക്കും സൗജന്യ വാക്സിനുകൾ നൽകുമെന്ന്​ ദില്ലി സർക്കാർ തീരുമാനിച്ചതായി മുഖമന്ത്രി അരവിന്ദ്​ കെജ്​രിവാർ .

18 വയസിനു മുകളിലുള്ളവർക്ക്​ വാക്​സിൻ വിതരണം ചെയ്യാനായി 1.34 കോടി വാക്സിനുകൾ വാങ്ങാൻ സർക്കാർ അനുമതി നൽകി. വാക്​സിൻ ഉടൻ തന്നെ വിതരണം ചെയ്യാനാണ്​ പദ്ധതിയിടുന്നതെന്നും അദ്ദേഹം അറിയിച്ചു.

രാജ്യതലസ്ഥാനത്ത് കഴിഞ്ഞ 24 മണിക്കൂറിനിടെ 22,933 പോസിറ്റിവ് കേസുകളും, 350 മരണവുമാണ് രേഖപ്പെടുത്തിയത്. പോസിറ്റിവിറ്റി നിരക്ക് 30.21 ശതമാനമാണ്.