ആരോഗ്യ രംഗത്തെ കേരളത്തിന്റെ മികവിനെ പ്രശംസിച്ച് മുതിര്ന്ന മാധ്യമപ്രവർത്തകന് രാജ്ദീപ് സർദേശായി.കൊവിഡ് രണ്ടാം തരംഗം ആഞ്ഞടിക്കുന്നതിനിടെ ഓക്സിജന് സംഭരണത്തിലും മറ്റും കേരളം നടത്തിയ മുന്നൊരുക്കങ്ങള് ദേശീയ തലത്തില് തന്നെ പ്രശംസിക്കപ്പെടുകയാണ്. കോവിഡ് കേസുകള് ഉയരുമ്പോഴും മരണ നിരക്ക് പരമാവധി താഴ്ത്താന് കേരളം സ്വീകരിച്ച നടപടികളും ഏറെ ശ്രദ്ധ നേടുന്നുണ്ട്.
മറ്റു സംസ്ഥാനങ്ങള് കേരളത്തില് നിന്നും ഒരുപാടു പഠിക്കാനുണ്ട് എന്നാണ് മാധ്യമപ്രവർത്തകന് രാജ്ദീപ് സർദേശായി പറഞ്ഞത്
പൊതുജനാരോഗ്യത്തിൽ നിക്ഷേപിക്കുന്ന കേരള മോഡലിനെ പ്രശംസിച്ചതിന് എന്നെ ഭീഷണിപ്പെടുത്തിയവരുടെ അറിവിലേക്കായി മറ്റൊരു വസ്തുത കൂടി പറയുന്നു. കേരളം ഓക്സിജൻ മിച്ചമുള്ള സംസ്ഥാനമാണ്. മാത്രമല്ല കഴിഞ്ഞ വർഷം ഓക്സിജൻ സംഭരണം 58% വർധിപ്പിക്കുകയും ചെയ്തു. ഇതിൽ നിന്ന് മറ്റു സംസ്ഥാനങ്ങൾക്കു പഠിക്കാനും സ്വീകരിക്കാനും ധാരാളമുണ്ട്. ആരോഗ്യ രംഗത്ത് കൂടുതൽ നിക്ഷേപമിറക്കുകയല്ലാതെ മറ്റൊരു പരിഹാരമില്ല”-
For those bashing me for hailing Kerala model of investing in public health, here is another factoid: Kerala is an oxygen surplus state and has augmented capacity by 58 % in last year. Plenty for other states to learn and embrace: no other solution but increase invt in health 🙏
— Rajdeep Sardesai (@sardesairajdeep) April 26, 2021
കൊവിഡ് വ്യാപനം തടയാന് കേരളം സ്വീകരിച്ച നടപടികള് മാതൃകാപരമാണെന്ന് ബോളിവുഡ് താരം റിച്ച ഛദ്ദ. കേരളത്തില് കൊവിഡ് മരണ നിരക്ക് വളരെ കുറവാണെന്ന ട്വീറ്റ് പങ്കുവെച്ച് റിച്ച പറഞ്ഞതിങ്ങനെ-
“വിവരവും വിദ്യാഭ്യാസവും ഇല്ലാത്തവര് എന്തുപറയുന്നു എന്നതില് കാര്യമില്ല. കഴിഞ്ഞ വര്ഷം കേരളം എല്ലാവര്ക്കും ഭക്ഷ്യ കിറ്റ് നല്കി. കൊവിഡ് വ്യാപനം കുറച്ചു. മറ്റ് സംസ്ഥാനങ്ങളേക്കാളും പെട്ടെന്ന് തന്നെ പഴയ നിലയിലേക്ക് അവര് തിരിച്ചെത്തി. ആള്ക്കൂട്ടമുള്ള മതപരമായ ആഘോഷങ്ങളെല്ലാം റദ്ദാക്കി. പ്രതിപക്ഷവുമായി ചര്ച്ച നടത്തുകയും ചെയ്തു”
Kerala is goals! No matter what you hear from ignorant, illiterate campaigners.
-They provided food packets to everyone last year,
-Flattened the curve,
-Got back on their feet sooner than others,
-Cancelled mass religious gatherings, -Consult with the opposition! 👏🏽👏🏽👏🏽 https://t.co/nQuZhg9YyQ— TheRichaChadha (@RichaChadha) April 27, 2021
പിണറായി വിജയൻ ആരാണെന്നു ഗൂഗിൾ ചെയ്തു നോക്ക് എന്നാണ് കന്നട താരം ചേതൻ ഫെയ്സ് ബുക്കിൽ കുറിച്ചത്.
രാജ്യം ഓക്സിജൻ ക്ഷാമത്തിന്റെ ഭീതിയിൽ കഴിയുകയാണ്. കേരളം തീർത്തും വ്യത്യസ്തമാണ്. 2020ലെ കൊവിഡിൽ നിന്ന് കേരളം പാഠം ഉൾക്കൊണ്ട് ഓക്സിജൻ പ്ലാന്റുകൾക്ക് പണം മുടക്കി, ഓക്സിജൻ സപ്ലൈ 58 ശതമാനം വർധിപ്പിച്ച്, ഇന്ന് കർണാടക, തമിഴ്നാട്, ഗോവ തുടങ്ങിയ സംസ്ഥാനങ്ങളിലേക്ക് സപ്ലൈ നടത്തുന്നു. കേരള മോഡൽ റോൾ മോഡൽ. മോദിയല്ലെങ്കിൽ ആര് എന്ന് ചോദിക്കുന്നവരോട് പിണറായി വിജയൻ എന്ന് ഗൂഗിൾ ചെയ്യൂ.
ഓക്സിജന് സംഭരണത്തിലും മറ്റും കേരളം നടത്തിയ മുന്നൊരുക്കങ്ങള് ദേശീയ തലത്തില് തന്നെ പ്രശംസിക്കപ്പെടുകയാണ്
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here