കൊവിഡ് വ്യാപനം രൂക്ഷമാകുന്ന സാഹചര്യത്തില് ഹോംഐസൊലേഷനുകളില് പലരും പ്രവേശിച്ചിരിക്കുന്ന ഇപ്പോഴത്തെ സാഹചര്യത്തില് ഹോം ഐസൊലേഷനിലിരിക്കുമ്പോള് ശ്രദ്ധിക്കേണ്ട മാര്ഗ്ഗ നിര്ദേശങ്ങള് പുറത്തുവിട്ടിരിക്കുകയാണ് ആരോഗ്യമന്ത്രി കെ കെ ശൈലജ ടീച്ചർ . ഹോം ഐസൊലേഷന് എങ്ങനെയാണ്? എന്തൊക്കെ കാര്യങ്ങള് ശ്രദ്ധിക്കണം തുടങ്ങിയ മാര്ഗനിര്ദേശങ്ങളാണ് ശൈലജ ടീച്ചര് ഫേസ്ബുക്കില് പങ്കുവെച്ചിരിക്കുന്നത്.
ഹോം ഐസൊലേഷന് മാര്ഗനിര്ദേശങ്ങള് ഇതാ…
ബാത്ത് അറ്റാച്ച്ഡ് ആയതും വായൂ സഞ്ചാരമുള്ളതുമായ മുറിയിലാണ് ഹോം ഐസൊലേഷനിലുള്ളവര് കഴിയേണ്ടത്. അതിന് സൗകര്യമില്ലാത്തവര്ക്ക് ഡൊമിസിലിയറി കെയര്സെന്ററുകള് ലഭ്യമാണ്.
എ.സി.യുള്ള മുറി ഒഴിവാക്കണം. വീട്ടില് സന്ദര്ശകരെ പൂര്ണമായും ഒഴിവാക്കേണ്ടതാണ്.
ഹോം ഐസൊലേഷന് എന്നത് റൂം ഐസൊലേഷനാണ്. അതിനാല് മുറിക്ക് പുറത്തിറങ്ങാന് പാടില്ല.
ഇടയ്ക്കിടയ്ക്ക് കൈകള് കഴുകണം. അഥവാ മുറിക്ക് പുറത്ത് രോഗി ഇറങ്ങിയാല് സ്പര്ശിച്ച പ്രതലങ്ങള് അണുവിമുക്തമാക്കണം.
വീട്ടിലുള്ള എല്ലാവരും മാസ്ക് ധരിക്കേണ്ടതാണ്. ജനിതക മാറ്റം വന്ന വൈറസ് റിപ്പോര്ട്ട് ചെയ്യുന്ന സാഹചര്യത്തില് രണ്ട് മാസ്ക് ധരിക്കുന്നത് നല്ലതാണ്.
രോഗീ പരിചരണം നടത്തുന്നവര് എന് 95 മാസ്ക് ധരിക്കേണ്ടതാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here