രാജ്യത്ത് കൊവിഡിന്റെ രണ്ടാം തരംഗം ശക്തി പ്രാപിച്ചുക്കൊണ്ടിരിക്കുന്ന ചെയ്യുന്ന സാഹചര്യത്തിൽ, കേന്ദ്ര സർക്കാരിനെതിരെ ആഞ്ഞടിച്ച് നടൻ പ്രകാശ് രാജ്. 3000 കോടി രൂപ മുടക്കി നിർമിച്ച സർദാർ വല്ലാഭായ് പട്ടേൽ പ്രതിമയുമായി ബന്ധപ്പെട്ട് പ്രധാനമന്ത്രി നരേന്ദ്ര മോദിയെ രൂക്ഷമായി വിമർശിക്കുന്ന പഴയ വിഡിയോ പങ്കുവെച്ചുകൊണ്ടാണ് അദ്ദേഹം ട്വിറ്ററിൽ പ്രതികരിച്ചത്.
ഞാൻ നിങ്ങൾക്ക് മുന്നറിയിപ്പ് നൽകിയിരുന്നു. കഴിവില്ലാത്ത, വീക്ഷണമില്ലാത്ത, അധകാര ഭ്രമമുള്ള സർക്കാറിനെ കുറിച്ച് മുന്നറിയിപ്പ് നൽകുന്നത് ഇനിയും തുടരുക തന്നെ ചെയ്യും. ഉണരൂ ഇന്ത്യ… – എന്ന അടിക്കുറിപ്പോടെയാണ് പ്രകാശ് രാജ് വിഡിയോ പങ്കുവെച്ചത് .
I had Warned you.. and will continue to warn you of this incompetent.. vision less .. power hungry government.. 🙏🏻wake up India #justasking pic.twitter.com/kz8TvXsc7X
— Prakash Raj (@prakashraaj) April 28, 2021
”ഈ രാജ്യത്തിെൻറ തലവനെ കുറിച്ച് നിങ്ങൾ എന്താണ് കരുതുന്നത്. കേരളത്തിൽ പ്രളയമുണ്ടായപ്പോൾ അദ്ദേഹം ആദ്യം 100 കോടിയും പിന്നീട് 500 കോടിയും നൽകുന്നു. അതേ വ്യക്തി തന്നെ ഒരു പ്രതിമ പണിയാൻ 3000 കോടി ചിലവഴിക്കുന്നു. എത്രത്തോളം വിവേകമില്ലാത്ത നേതാവാണ് നമുക്കുള്ളത്. നിങ്ങളാണ് ആ ചോദ്യം ചോദിക്കേണ്ടത്. എല്ലാവർക്കും അറിയാവുന്ന കാര്യമാണ്… പൊങ്ങച്ചക്കാരൻ. അഹംഭാവമുള്ള ബുദ്ധിശൂന്യൻ. അയാൾ ഈ രാജ്യത്തോട് ഇങ്ങനെ ചെയ്യരുത്.
തൊഴിലില്ലായ്മയും കാർഷിക പ്രതിസന്ധികളും നിലനിൽക്കുന്ന ഈ രാജ്യത്തോട് ഒരിക്കലും ചെയ്യാൻ പാടില്ലാത്തതാണിത്. മറ്റൊന്ന്, അത് നമ്മുടെ പണമാണ്… ഞങ്ങൾ ഭിക്ഷയാചിക്കുന്നതല്ല. ചോദ്യം ചോദിക്കുക തന്നെ വേണം. നികുതി നൽകുന്നവരുടെ പണം ഉപയോഗിച്ച് ചെയ്ത ഈ കാര്യത്തിന് അയാളെക്കൊണ്ട് മറുപടി പറയിപ്പിക്കുക തന്നെ ചെയ്യണം. ദയവ് ചെയ്ത മാധ്യമങ്ങൾ ഇത് പ്രചരിപ്പിക്കണം. 3000 കോടി രൂപയാണ്… 20000 കോടി ലഭിച്ചാൽ മാത്രം സ്വന്തം കാലിൽ നിൽക്കാൻ സാധിക്കുന്ന ഒരു സംസ്ഥാനത്തിന് അയാൾ, 500 കോടി മാത്രമാണ് നൽകിയത്”. -പ്രകാശ് രാജ് വിഡിയോയിൽ പറയുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here