കേന്ദ്ര സര്ക്കാരിന്റെ വാക്സിന് നയം തെറ്റെന്ന് മുഖ്യമന്ത്രി പിണറായി വിജയന്. കേന്ദ്ര സര്ക്കാരിന്റെ പുതിയ വാക്സിനേഷന് നയത്തിന്റെ ഫലമായി 18നും 45നും ഇടയില് പ്രായമുള്ളവര്ക്ക് ഉല്പ്പാദകരില് നിന്നും വാക്സിന് സംസ്ഥാനങ്ങള് വിലകൊടുത്തു വാങ്ങേണ്ട സാഹചര്യം വന്നിരിക്കുകയാണെന്നും മുഖ്യമന്ത്രി വാര്ത്താ സമ്മേളനത്തില് ചൂണ്ടിക്കാട്ടി.
കേന്ദ്ര സര്ക്കാരിന്റെ ഈ നയം തിരുത്തണമെന്നും എല്ലാവര്ക്കും സൗജന്യമായി വാക്സിന് നല്കണമെന്നും കേന്ദ്രത്തോട് നാം നേരത്തെ തന്നെ ആവശ്യപ്പെട്ടിരുന്നതാണ്. ഇതുവരെ അനുകൂലമായ നടപടി ഉണ്ടായിട്ടില്ല.
ഈ സാഹചര്യത്തില് 18നും 45നും ഇടയില് പ്രായമുള്ളവര്ക്ക് സൗജന്യമായി രണ്ട് ഡോസ് വാക്സിന് നല്കുന്നതിനായി ഇന്നു ചേര്ന്ന മന്ത്രിസഭായോഗം ചില പ്രധാന തീരുമാനങ്ങള് എടുത്തിട്ടുണ്ട്. മുഖ്യമന്ത്രി വ്യക്തമാക്കി.
വാക്സിന് നിര്മ്മാതക്കാളായ സിറം ഇന്സ്റ്റിറ്റ്യൂട്ട് (കോവിഷീല്ഡ്), ഭാരത് ബയോടെക് (കോവാക്സിന്) എന്നീ കമ്പനികളില് നിന്നായി അടുത്ത മൂന്ന് മാസത്തേയ്ക്ക് (മെയ്, ജൂണ്, ജുലൈ) ഒരു കോടി ഡോസ് വാക്സിന് വിലകൊടുത്ത് വാങ്ങാന് തീരുമാനിച്ചു.
വാക്സിന് വിലക്കുവാങ്ങുന്നതു സംബന്ധിച്ച കാര്യങ്ങള് ശുപാര്ശ ചെയ്യാന് ചീഫ് സെക്രട്ടറിയുടെ നേതൃത്വത്തില് ഒരു വിദഗ്ധ സമിതിയെ സര്ക്കാര് നിയോഗിച്ചിരുന്നു. ഈ സമിതിയുടെ ശുപാര്ശ അംഗീകരിച്ചാണ് ഈ തീരുമാനമെടുത്തതെന്നും പിണറായി വിജയന് പറഞ്ഞു.
ഇനി മുതൽ കൈരളി ന്യൂസ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്.വാർത്തകൾക്കായി ഈ ലിങ്ക് അമർത്തൂ
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here