പ്രേമം എന്ന ചിത്രത്തിന് ശേഷം നിവിന്‍ പോളിയ്ക്ക് തമിഴില്‍ വലിയൊരു ആരാധക സംഘം തന്നെയുണ്ടായിരുന്നു. ആ ആരാധകരുടെ ശക്തിയിലാണ് റിച്ചി എന്ന ഒരു മുഴുനീള തമിഴ് ചിത്രം ചെയ്തത്. സിനിമയ്ക്ക് പ്രതീക്ഷിച്ച വിജയം കിട്ടാതായതോടെ നിവിന്‍ തമിഴ് സിനിമയില്‍ നിന്ന് അകന്ന് നില്‍ക്കുകയായിരുന്നു. ഇപ്പോഴിതാ നാല് വര്‍ഷത്തിന് ശേഷം നിവിന്‍ തന്റെ അടുത്ത തമിഴ് ചിത്രത്തെ കുറിച്ച് ആലോചിക്കുന്നതായി വാര്‍ത്തകള്‍.
2019 മമ്മൂട്ടിയെ നായകനാക്കി പേരന്‍പ് എന്ന ചിത്രം സംവിധാനം ചെയ്ത ദേശീയ പുരസ്‌കാര ജേതാവ് കൂടെയായ റാം സംവിധാനം ചെയ്യുന്ന ചിത്രത്തിലാണ് നിവിന്‍ അടുത്തതായി അഭിനയിക്കുന്നതത്രെ. തമിഴിലും മലയാളത്തിലുമായി ഒരുക്കുന്ന ചിത്രത്തെ കുറിച്ചുള്ള ഔദ്യോഗിക പ്രഖ്യാപനം ഉടന്‍ ഉണ്ടാവും എന്നാണ് കേള്‍ക്കുന്നത്.
റിച്ചിയ്ക്ക് വലിയ വിജയം ലഭിച്ചില്ലെങ്കിലും, തമിഴര്‍ക്കിടയില്‍ നിവിന്‍ പോളിയ്ക്കുള്ള സ്വീകാര്യത ഒട്ടും കുറഞ്ഞിട്ടില്ല. റാം സംവിധാനം ചെയ്യുന്ന ചിത്രത്തിലൂടെ നിവിന്‍ പോളിയുടെ ഒരു ഗംഭീര തിരിച്ചുവരവ് ഉണ്ടാവും എന്നാണ് ആരാധകര്‍ പ്രതീക്ഷിയ്ക്കുന്നത്. റാം എന്ന സംവിധായകന്റെ വ്യത്യസ്ത സംവിധാന മികവ് തന്നെയാണ് ആ പ്രതീക്ഷയ്ക്ക് ആക്കം കൂട്ടുന്നത്.
മഹാവീര്യര്‍ എന്ന ചിത്രത്തിന്റെ റിലീസിങിനായി കാത്തിരിയ്ക്കുകയാണ് ഇപ്പോള്‍ നിവിന്‍ പോളി. സംവിധാനത്തിന് പുറമെ അഭിനയത്തിലും ഒരു കൈ പരീക്ഷിച്ചുകൊണ്ടിരിയ്ക്കുകയാണ് റാം. സോക്കോളജിക്കല്‍ ഡ്രാമ ചിത്രമായ സൈക്കോയില്‍ പൊലീസ് ഓഫീസറായി അഭിനയിച്ചത് റാം ആണ്. മിഷ്‌കിന്‍ ആണ് ചിത്രത്തിന്റെ സംവിധായകന്‍
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
