തൃശൂര്: തെരഞ്ഞെടുപ്പ് കാലത്ത് ദേശീയ പാര്ട്ടിക്കായി എത്തിച്ച കുഴല്പ്പണം നഷ്ടപ്പെട്ടു എന്ന് പരാതിപ്പെട്ട വാഹന ഉടമ ധര്മരാജന് ആര്.എസ്.എസ് പ്രവര്ത്തകന് ആണെന്ന് പൊലീസ്. തൃശൂര് റൂറല് എസ്. പി പൂങ്കുഴലിയാണ് ഇക്കാര്യം വ്യക്തമാക്കിയത്.
25 ലക്ഷം രൂപ നഷ്ടപ്പെട്ടെന്നായിരുന്നു ലഭിച്ച പരാതി. എന്നാല് പരാതിയില് പറയുന്നതിനേക്കാള് കൂടുതല് തുക നഷ്ടപ്പെട്ടിട്ടുണ്ടെന്നാണ് ഡി.സി.പി പറഞ്ഞത്.‘ധര്മ്മരാജന് ആര്.എസ്.എസ് പ്രവര്ത്തകനാണെന്നാണ് ഞങ്ങള്ക്ക് അറിയാന് സാധിച്ചത്. പരാതിയില് ഉള്ളതിനേക്കാള് കൂടുതല് തുക പിടിച്ചെടുത്തിട്ടുണ്ട്. ബാക്കി പ്രതികളെ കൂടി പിടിക്കുമ്പോള് എത്രയാണ് കൃത്യമായ തുകയെന്ന് നമുക്ക് അറിയാന് സാധിക്കും,’ ഡി.സി.പി പറഞ്ഞു.
അറസ്റ്റ് ചെയ്യപ്പെട്ട ധർമരാജൻ ബി.ജെ.പി സംസ്ഥാന പ്രസിഡണ്ട് കെ.സുരേന്ദ്രൻ്റെ ഏറ്റവും അടുത്ത ആളും
വലം കൈയ്യുമാണ് .കേസുമായി ബന്ധപ്പെട്ട് യുവമോർച്ച മുൻ ട്രഷറർ കോഴിക്കാട് സ്വദേശി സുനിൽ നായികിൻ്റെ മൊഴി പൊലീസ് രേഖപ്പെടുത്തിയിരുന്നു.തനിക്ക് പണം നൽകിയത് സുനിൽ നായിക്ക് ആണെന്ന ധർമരാജൻ്റെ മൊഴിയെ തുടർന്നാണ് നടപടി.
താനും ധർമരാജനും വർഷങ്ങളായി ബിസിനസ്സ് ബന്ധമുള്ളവരാണെന്ന് സുനിൽ നായിക് വ്യക്തമാക്കി .ബിജെപി നേതാക്കളുമായി അടുത്ത ബന്ധമുള്ള ആളാണ് സുനിൽധര്മരാജനുമായി ബന്ധപ്പെട്ട ആളുകളെ ചോദ്യം ചെയ്ത് വരികയാണെന്നും പൂങ്കുഴലി പറഞ്ഞു.പരാതിയില് പറഞ്ഞതിനേക്കാള് കൂടുതല് കണ്ടെത്തിയ തുക, ഇതിന്റെ ഭാഗമായി ഉള്ളതാണോ എന്ന കാര്യം അന്വേഷിച്ച് വരികയാണെന്നും ഡി.സി.പി പറഞ്ഞു.
അതേസമയം , കള്ളപ്പണം ബി.ജെ.പിക്കായി എത്തിച്ചതാണെന്ന് സി.പി.ഐ.എം ആരോപിച്ചിരുന്നു. ഇതിന് പിന്നാലെയാണ് ധർമജൻ ആർ എസ് എസ് ആണെന്ന് വെളിപ്പെടുത്തൽ പുറത്തു വരുന്നത് .
25 ലക്ഷം രൂപ നഷ്ടപ്പെട്ടു എന്നായിരുന്നു ലഭിച്ച പരാതി. ചാലക്കുടി ഡി.വൈ.എസ്.പിയുടെ നേതൃത്വത്തിലാണ് അന്വേഷണം നടക്കുന്നത്. ധര്മ്മരാജനെ ചോദ്യം ചെയ്തെങ്കിലും പണത്തിന്റെ സ്രോതസ് ഇതുവരെ വെളിപ്പെട്ടിട്ടില്ല.കഴിഞ്ഞ ദിവസം 23 ലക്ഷം രൂപയും മൂന്ന് പവനും പൊലീസ് കണ്ടെടുത്തിരുന്നു. ഇതിനോടൊപ്പം ആറു ലക്ഷം രൂപ ബാങ്കില് തിരിച്ചടച്ചതിന്റെയും രേഖകള് പൊലീസിന് ലഭിച്ചിട്ടുണ്ട്. ഇതോടെ 30 ലക്ഷത്തിലേറെ രൂപയുടെ കണക്ക് പൊലീസിന് ലഭിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here