കോട്ടയം ജനറല് ആശുപത്രിയില് ഒറ്റ ദിവസം കൊണ്ട് 15 പേര് കൊവിഡ് ബാധിച്ചു മരിച്ചെന്ന് വാട്സാപ്പിലൂടെ വ്യാജപ്രചാരണം നടത്തിയ ആള് പോലീസ് പിടിയിലായി. കടുത്തുരുത്തി വെള്ളാശ്ശേരി കുന്നത്ത് ഹൗസില് ഗോപു രാജന് (29 )ആണ് അറസ്റ്റിലായതെന്ന് ജില്ലാ പൊലീസ് മേധാവി ഡി.ശില്പ ദേവയ്യ ഐ.പി.എസ് അറിയിച്ചു.
ഇയാള് കടുത്തുരുത്തി സിഫ്എല്ടിസിയിലെ വോളന്റീയര് ആയി പ്രവര്ത്തിച്ചു വരികയാണ്. ഇയാള് നന്പന് എന്ന വാട്സാപ്പ് ഗ്രൂപ്പ് വഴിയാണ് വ്യാജവാര്ത്ത പ്രചരിപ്പിച്ചത്. പൊലീസ് കേസ് എടുത്തത് അറിഞ്ഞ് ഇയാള് ഫോണ് സ്വിച്ച് ഓഫ് ചെയ്ത ശേഷം ഇന്ന് ജോലിക്ക് ഹാജരാകാതെ മാറിനില്ക്കുകയായിരുന്നു .
ഏപ്രില് 29 മുതലാണ് വാട്സാപ്പില് ഓഡിയോ സന്ദേശം വന്നത്. ജില്ലാ പൊലീസ് മേധാവി ഡി .ശില്പ ദേവയ്യ ഐ.പി.എസിന്റെ നേതൃത്വത്തില് ജില്ലാ ക്രൈംബ്രാഞ്ച് ഡി.വൈ.എസ്.പി ഷീന് തറയില്, സൈബര് ക്രൈം പോലീസ് സ്റ്റേഷനിലെ എസ്.എച്ച്.ഓ ബിനോജ്.സ് സീനിയര് സിവില് പൊലീസ് ഓഫീസര്മാരായ ജോര്ജ് ജേക്കബ് ,രാജേഷ് കുമാര് പി.ആര് , സിവില് പൊലീസ് ഓഫീസര്മാരായ സതീഷ് കുമാര്, അഭിലാഷ് പി .എസ് , അനൂപ് കെ.എന്, സുബിന്.പി.വി, അബ്ദുല് ഫൈസല് എന്നിവര് ചേര്ന്നാണ് പ്രതിയെ പിടികൂടിയത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here