പുതിയ നിയന്ത്രണങ്ങള് സംസ്ഥാനത്ത് പ്രതിദിന കൊവിഡ് കേസുകള് കുറയ്ക്കാന് സഹായിച്ചെന്ന് മഹാരാഷ്ട്ര മുഖ്യമന്ത്രി ഉദ്ധവ് താക്കറെ. ലോക്ക് ഡൗണിന് സമാനമായ നിയന്ത്രണങ്ങള് ഏര്പ്പെടുത്തിയില്ലായിരുന്നുവെങ്കില് സംസ്ഥാനത്തെ സജീവ കൊവിഡ് കേസുകളുടെ എണ്ണം 9-10 ലക്ഷത്തില് എത്തുമായിരുന്നുവെന്നും അദ്ദേഹം പറഞ്ഞു.
കൊവിഡ് നിയന്ത്രണത്തിന് സമ്പൂര്ണ ലോക്ഡൗണ് ആവശ്യമായി വന്നേക്കാം. എന്നാല് മഹാരാഷ്ട്ര ആ ഘട്ടത്തിലേക്കെത്തുമെന്ന് കരുതുന്നില്ലെന്നും ഉദ്ധവ് താക്കറെ പറഞ്ഞു. അതേസമയം, വാക്സിന് ലഭ്യത അനുസരിച്ച് ശനിയാഴ്ച മുതല് 18 വയസിന് മുകളിലുള്ളവരുടെ വാക്സിനേഷന് ആരംഭിക്കുമെന്നും ഉദ്ധവ് താക്കറെ അറിയിച്ചു.
18-45 വയസ് വരെയുള്ളവര്ക്ക് വാക്സിന് നല്കാനായി 12 കോടി ഡോസ് വാക്സിന് വാങ്ങുമെന്നും വെള്ളിയാഴ്ച മൂന്ന് ലക്ഷം വാക്സിന് സംസ്ഥാനത്തിന് ലഭിച്ചിട്ടുണ്ടെന്നും അദ്ദേഹം വ്യക്തമാക്കി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here