കല്യാണിലെ ആയുർവേദ ഡോക്ടറും അംഗീകൃത മെഡിക്കൽ അറ്റൻഡന്റ് കേന്ദ്ര സർക്കാർ ജീവനക്കാരുമായ ഡോ. മധു അന്തരിച്ചു. 64 വയസ്സായിരുന്നു. ശ്വാസതടസ്സം കാരണം 2021 ഏപ്രിൽ 14 നാണ് മധുവിനെ ആശുപത്രിയിൽ പ്രവേശിപ്പിച്ചത്.
എന്നാൽ ആർടിപിസിആർ പരിശോധന നെഗറ്റീവ് ആയിരുന്നു, തുടർന്ന് സിടി സ്കാൻ റിപ്പോർട്ടിൽ 50 മുതൽ 60 ശതമാനം വരെ കൊവിഡ് അണുബാധയും ന്യുമോണിയുടെ ലക്ഷണങ്ങളും കാണിച്ചു.
കല്യാണിലെ സായി ശ്രദ്ധ ആശുപത്രിയിൽ ചികിത്സയിലായിരുന്ന ഡോ മധുവിന്റെ ആരോഗ്യ നില മെച്ചപ്പെട്ടതിനെ തുടർന്ന് 5 ദിവസം മുൻപാണ് ഐസിയുവിൽ നിന്ന് വാർഡിലേക്ക് മാറ്റിയത്.
എന്നാൽ വീണ്ടും രോഗം മൂർച്ഛിക്കുകയായിരുന്നു. പിന്നീട് ഐസിയു കിടക്ക ഒഴിവില്ലാത്തതിനാൽ മറ്റൊരു ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല.
മുംബൈയിൽ കോട്ടക്കൽ ആര്യ വൈദ്യശാലയുടെ അംഗീകൃത ഡീലറായ മധുവിന് കല്യാൺ, ഡോംബിവ്ലി എന്നിവിടങ്ങളിൽ ഡിസ്പെൻസറികളുണ്ട്. ഭാര്യ നിർമ്മല മധു. രണ്ടു മക്കൾ ദേവിക മധു, പ്രവീൺ മധു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here