ഇടതുപക്ഷ ജനാധിപത്യ മുന്നണിക്ക് ഈ നിയമസഭാ തെരഞ്ഞെടുപ്പില് കേരള ജനത ചരിത്രവിജയമാണ് നല്കിയതെന്ന് സി പി ഐ എം സംസ്ഥാന സെക്രട്ടറിയറ്റ് പ്രസ്താവനയില് പറഞ്ഞു. ഈ ജനകീയ അംഗീകാരത്തിലൂടെ ആദ്യമായി കേരളത്തില് ഒരു ഇടതുപക്ഷ തുടര്ഭരണം വരികയാണ്. കേരള ചരിത്രം തിരുത്തിയെഴുതിയ സംസ്ഥാനത്തെ വോട്ടര്മാരെ സി പി ഐ എം അഭിവാദ്യം ചെയ്യുന്നു. ഇതിനായി പ്രവര്ത്തിച്ച ജനങ്ങളോടുള്ള നന്ദി പ്രകാശിപ്പിക്കുന്നു. ജനങ്ങള് അര്പ്പിച്ച വിശ്വാസത്തോട് നീതി പുലര്ത്തി പുതിയ സര്ക്കാര് പ്രവര്ത്തിക്കുമെന്ന് പാര്ട്ടി ഈ അവസരത്തില് ഉറപ്പു നല്കുന്നു.
സി പി ഐ എം നും ഇടതുപക്ഷ ജനാധിപത്യ ശക്തികള്ക്കും ആത്മവിശ്വാസത്തോടുകൂടി ജനങ്ങള്ക്കൊപ്പം നിന്ന് പ്രവര്ത്തിക്കാന് ഈ ജനവിധി കൂടുതല് സഹായകരമാകും. 1957 മുതല് വിവിധ ഘട്ടങ്ങളില് അധികാരത്തില് വന്ന കമ്മ്യുണിസ്റ്റ് ഇടതുപക്ഷ സര്ക്കാരുകള് കേരളത്തിലെ പാര്ശ്വവല്ക്കരിക്കപ്പെട്ട ജനങ്ങളുടെ ഉന്നമനത്തിനുവേണ്ടിയാണ് പ്രവര്ത്തിച്ചത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here