ഞാനില്ല ഇനി മത്സരിക്കാന്; വടക്കാഞ്ചേരിയിലെ കനത്ത തോല്വിയ്ക്ക് പിന്നാലെ തെരഞ്ഞെടുപ്പ് രാഷ്ട്രീയത്തില് നിന്നും പിന്മാറുന്നുവെന്ന് അനില് അക്കര
തൃശൂര്: വടക്കാഞ്ചേരി മണ്ഡലത്തില് കനത്ത തോല്വി ഏറ്റുവാങ്ങിയതിന് പിന്നാലെ ഇനി തെരഞ്ഞെടുപ്പ് രാഷ്ട്രീയത്തിലേക്കോ മത്സരിക്കാനോ ഇല്ലെന്ന് പ്രഖ്യാപിച്ച് യു.ഡി.എഫ് സ്ഥാനാര്ത്ഥി അനില് അക്കര. നിയമസഭയിലേക്കോ പാര്ലമെന്റിലേക്കോ താന് ഇനി മത്സരിക്കില്ലെന്ന് സിറ്റിംഗ് എം.എല്.എയായിരുന്ന അനില് അക്കര പറഞ്ഞു.
സ്വന്തം പഞ്ചായത്തില് നിന്ന് പോലും തനിക്ക് പിന്തുണ കിട്ടിയില്ലെന്നും അതിന്റെ കൂടി പശ്ചാത്തലത്തിലാണ് ഈ തീരുമാനമെന്നും അനില് അക്കര മാധ്യമങ്ങളോട് പറഞ്ഞു.
അനില് അക്കരെയെ 13,580 വോട്ടുകള്ക്കാണ് എല്.ഡി.എഫ് സ്ഥാനാര്ത്ഥി സേവ്യര് ചിറ്റിലപ്പള്ളി തോല്പ്പിച്ചത്. 2016ല് 43 വോട്ടിനായിരുന്നു അനില് അക്കര ഇവിടെ നിന്നും ജയിച്ചത്. തൃശൂര് ജില്ലയിലെ യു.ഡി.എഫിന്റെ ഏക മണ്ഡലവും വടക്കാഞ്ചേരിയായിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here