തെരഞ്ഞെടുപ്പ് തോൽവി: മുല്ലപ്പള്ളി രാമചന്ദ്രനെ മാറ്റണമെന്ന ആവശ്യം ശക്തമാകുന്നു

യുഡിഎഫിന്റെ ദയനീയ തോല്‍വിക്ക് പിന്നാല കെ.പി.സി.സി അധ്യക്ഷ സ്ഥാനത്ത് നിന്ന് മുല്ലപ്പള്ളി രാമചന്ദ്രനെ മാറ്റണമെന്ന ആവശ്യവുമായി കൂടുതല്‍ പേര്‍ രം​ഗത്തെത്തി. എന്തിനാണ് നമുക്ക് ഇങ്ങനെ ഒരു ഉറങ്ങുന്ന പ്രസിഡന്റ് എന്ന് ഹൈബി ഈഡൻ ഫേസ്ബുക്കിൽ കുറിച്ചു.

കോണ്‍ഗ്രസിന്റെ പരാജയത്തിന്റെ ഉത്തരവാദിത്വം ഏറ്റെടുക്കുന്നതായി മുല്ലപ്പള്ളി രാമചന്ദ്രന്‍ പറഞ്ഞിരുന്നു. അതേ സമയം കെപിസിസി അധ്യക്ഷസ്ഥാനം സ്വയം ഒഴിയില്ലെന്നാണ് മുല്ലപ്പള്ളിയുടെ നിലപാട്. ഉചിതമായ തീരുമാനമെടുക്കാം. പ്രതിസന്ധിയില്‍ ഇട്ടെറിഞ്ഞുപോകുന്നത് ഒളിച്ചോടുന്നതിന് തുല്യമെന്നും അദ്ദേഹം പറഞ്ഞു. തോല്‍വിയില്‍ എല്ലാവര്‍ക്കും ഉത്തരവാദിത്തമുണ്ടെന്നും മുല്ലപ്പള്ളി വ്യക്തമാക്കി.യുഡിഎഫ് തോല്‍വിയുടെ പശ്ചാത്തലത്തില്‍ കേരളത്തിലെ കോണ്‍ഗ്രസില്‍ സമഗ്ര അഴിച്ചുപണി നടക്കുമെന്നും സൂചനയുണ്ട്.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here