കാനഡയില് 12 വയസ്സിനു മുകളിലുള്ള കുട്ടികള്ക്ക് കൊവിഡ് വാക്സിനേഷന് നടത്താന് സര്ക്കാര് അനുമതി. ഫൈസര് ബയോടെക് വാക്സിനാണ് കുട്ടികളില് കുത്തിവെക്കുക. ഈ വാക്സിന് കുട്ടികള്ക്ക് സുരക്ഷിതമാണെന്ന കണ്ടെത്തലിന്റെ അടിസ്ഥാനത്തിലാണ് തീരുമാനം.
‘ തെളിവുകളുടെ സമഗ്രവും സ്വതന്ത്രവുമായ ശാസ്ത്രീയ അവലോകനം പൂര്ത്തിയാക്കിയ ശേഷം ഈ ചെറിയ പ്രായക്കാര്ക്ക് വാക്സിന് സുരക്ഷിതവും ഫലപ്രദവുമാണെന്ന് കണ്ടെത്തിയിരിക്കുന്നു,’ ഹെല്ത്ത് കാനഡയുടെ ചീഫ് മെഡിക്കല് ഉപദേഷ്ടാവ് ഡോ സുപ്രിയ ശര്മ്മ പറഞ്ഞു.
ലോകത്തില് കുട്ടികള്ക്ക് കൊവിഡ് വാക്സിന് നല്കാന് അനുമതി നല്കുന്ന ആദ്യ രാജ്യമാണ് കാനഡ. 12-15 പ്രായത്തിലുള്ള 2260 കുട്ടികളില് നടത്തിയ മൂന്ന് ക്ലിനിക്കല് പരീക്ഷണത്തിനൊടുവിലാണ് കാനഡ ഇത്തരമൊരു തീരുമാനമെടുക്കുന്നത്.
മുതിര്ന്നവര്ക്കുള്ള അതേ ഡോസ് തന്നെയായിരിക്കും കുട്ടികളിലും കുത്തിവെക്കുക. കാനഡയില് മുതിര്ന്നവരിലെ കൊവിഡ് വാക്സിനേഷനായി ആദ്യം അനുമതി ലഭിച്ചത് ഫൈസര്-ബയോടെക് വാക്സിനായിരുന്നു. 2020 ഡിസംബറിലാണ് ഇതിന് അനുമതി ലഭിച്ചത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here