നിയമസഭ തെരഞ്ഞെടുപ്പിലെ കനത്ത തോൽവിക്ക് പിന്നാലെ കെ.പി.സി.സിക്ക് മുന്നിൽ പ്രതിഷേധം രൂക്ഷം . ബാനർ ഉയർത്തി യൂത്ത് കോൺഗ്രസ് പ്രവത്തകരാണ് പ്രതിഷേധിച്ചത് .ഇക്കഴിഞ്ഞ തദ്ദേശ തെരഞ്ഞെടുപ്പിൽ കടുത്ത തോൽവി ഉണ്ടായപ്പോഴും ഇത്തരത്തിൽ സംസ്ഥാനവ്യാപകമായി പോസ്റ്റർ പ്രതിഷേധം ഉണ്ടായിരുന്നു .
‘മുല്ലപ്പള്ളിയെ പ്രസിഡന്റാക്കി കോൺഗ്രസിനെ അനുഗ്രഹിച്ച ആന്റണിക്കും വേണുഗോപാലിനും നന്ദി’ എന്ന പ്രതിഷേധ വാക്യങ്ങളാണ് ബാനറിലുള്ളത് .
അതേസമയം,തെരഞ്ഞെടുപ്പിലെ കനത്ത പരാജയത്തിന് പിന്നാലെ കോൺഗ്രസിൽ കൂട്ടരാജി തുടരുകയാണ് . ആലപ്പുഴ ഡി.സി.സി പ്രസിഡന്റ് എം. ലിജു. രാജിവെച്ചിരുന്നു പരാജയത്തിന്റെ ഉത്തരവാദിത്വം ഏറ്റെടുത്താണ് രാജി.ലിജുവിന് പുറമേ കണ്ണൂര്, ഇടുക്കി ജില്ലകളിലേയും ഡിസിസി പ്രസിഡന്റുമാര് രാജി സന്നദ്ധത അറിയിച്ചു മുന്നോട്ട് വന്നിരുന്നു .
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here