തിരുവനന്തപുരം: ലോക്ഡൗണ് എന്നുകേട്ട് ജനങ്ങള് പരിഭ്രാന്തരാകരുതെന്നും എല്ലാ അവശ്യസാധനങ്ങളും ലഭ്യമാക്കുമെന്നും സാധനങ്ങള് വാങ്ങാന് സമയം അനുവദിക്കുമെന്നും മന്ത്രി തോമസ് ഐസക്.കൊവിഡ് വ്യാപനം അതിരൂക്ഷമായ സാഹചര്യത്തില് നിയന്ത്രണങ്ങള് കൂടുതല് കര്ശനമാക്കിയേ പറ്റൂവെന്നും തോമസ് ഐസക് പറഞ്ഞു.
ജോലിക്ക് പോകാന് കഴിയാത്തവര്ക്ക് സഹായം നല്കും. ഭക്ഷണത്തിനോ സാധനങ്ങള്ക്കോ പ്രയാസം ഉണ്ടാകില്ല. ആശാവര്ക്കര്മാര് അവശ്യ മരുന്നുകള് എത്തിക്കും. തദ്ദേശ സ്ഥാപനങ്ങള്ക്ക് സമയോചിത തീരുമാനങ്ങള് എടുക്കാമെന്നും തോമസ് ഐസക്ക് പറഞ്ഞു.മെയ് എട്ടിന് രാവിലെ 6 മുതല് മെയ് 16 വരെ ഒമ്പത് ദിവസത്തേക്കാണ് സംസ്ഥാനത്ത് ലോക്ഡൗണ് പ്രഖ്യാപിച്ചത്. മുഖ്യമന്ത്രിയുടെ ഓഫീസാണ് ഇക്കാര്യം അറിയിച്ചത്.
അതേസമയം രോഗവ്യാപനം നിയന്ത്രണ വിധേയമാക്കാനാണ് വീണ്ടും ലോക്ക്ഡൗണിലേക്ക് നീങ്ങുന്നത്. ഒമ്പത് ദിവസത്തെ ലോക്ക്ഡൗണ് കൊണ്ട് കാര്യങ്ങള് നിയന്ത്രണ വിധേയമാക്കാനാകുമെന്നാണ് പ്രതീക്ഷയെന്ന് ആരോഗ്യമന്ത്രി കെ കെ ശൈലജ ടീച്ചറും വ്യക്തമാക്കി .
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here