ബംഗാളിലെ മേദിനിപുരില് കേന്ദ്രമന്ത്രി വി. മുരളീധരന്റെ വാഹനവ്യൂഹത്തിനു നേരേ ആക്രമണം. മന്ത്രിയുടെ കാര് തകര്ത്തു. തൃണമൂല് കോണ്ഗ്രസുകാരാണ് ആക്രമിച്ചതെന്ന് വി.മുരളീധരന് ആരോപിച്ചു. അതേ സമയം സംസ്ഥാനത്തെ അക്രമങ്ങളെക്കുറിച്ച് അന്വേഷിക്കാന് കേന്ദ്ര ആഭ്യന്തര മന്ത്രാലയം അഡീഷണല് സെക്രട്ടറിയുടെ നേതൃത്വത്തില് നാലംഗ സമിതി രൂപീകരിച്ചു.
സംസ്ഥാനത്തെ സാഹചര്യം വ്യക്തമാക്കി റിപ്പോര്ട്ട് നല്കാന് ഗവര്ണര്ക്കും ആഭ്യന്തര മന്ത്രാലയം നിര്ദേശം നല്കി.തെരഞ്ഞെടുപ്പ് ഫലത്തിന് പിന്നാലെ സംസ്ഥാനത്ത് അക്രമത്തിനിരയായവരെ കാണാന് പോകുംവഴിക്കായിരുന്നു കിഴക്കന് മെദിനിപ്പൂരില് വെച്ചു വി മുരളീധരനെതിരെ അക്രമുണ്ടായത്.
തൃണമൂല് കോണ്ഗ്രസുകാരാണ് ആക്രമിച്ചതെന്ന് വി.മുരളീധരന് ആരോപിച്ചു. മുരളീധരന്റെ ഡ്രൈവര്ക്ക് പരിക്കേറ്റു. അക്രമിസംഘം പൊലീസ് വാഹനവും ആക്രമിച്ചു.
അതേ സമയം പൊലീസിന്റെ സാന്നിധ്യത്തിലാണ് ഗുണ്ടകളുടെ അഴിഞ്ഞാട്ടമെന്ന് കേന്ദ്രമന്ത്രി വിമര്ശിച്ചു. അതിനിടെ, ബംഗാളില് തിരഞ്ഞെടുപ്പ് ഫലം വന്നതിന് പിന്നാലെയുണ്ടായ അക്രമങ്ങളെക്കുറിച്ച് അന്വേഷിക്കാന് കേന്ദ്ര ആഭ്യന്തര മന്ത്രാലയം സമിതി രൂപീകരിച്ചു.
അഡീഷണല് സെക്രട്ടറിയുടെ നേതൃത്വത്തിലുള്ള നാലംഗ സമിതി സംഘര്ഷ മേഖലകള് സന്ദര്ശിക്കും. സംഘര്ഷങ്ങളെക്കുറിച്ച് റിപ്പോര്ട്ട് നല്കാത്തതില് ബംഗാള് സര്ക്കാരിനോട് കേന്ദ്ര ആഭ്യന്തര മന്ത്രാലയം കടുത്ത അതൃപ്തി അറിയിച്ചു.
സംഘര്ഷങ്ങളുണ്ടായതിന് പിന്നാലെ കേന്ദ്ര സര്ക്കാര് റിപ്പോര്ട്ട് തേടിയിരുന്നെങ്കിലും ബംഗാള് സര്ക്കാര് അനുകൂലമായി പ്രതികരിച്ചിരുന്നില്ല.അതേ സമയം സംസ്ഥാനത്തെ സാഹചര്യം വ്യക്തമാക്കി റിപ്പോര്ട്ട് നല്കാന് ഗവര്ണറോട് ആഭ്യന്തര മന്ത്രാലയം നിര്ദേശം നല്കി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here