ആദിവാസി മേഖലയില് പ്രത്യേക ശ്രദ്ധ വേണമെന്ന് പിണറായി വിജയന്. അതിഥി തൊഴിലാളികള്ക്കിടയില് രോഗവ്യാപന സാധ്യത കൂടുതലാണ്. പരിശോധനയില് നിന്ന് ഒഴിഞ്ഞുമാറാന് ആരെയും അനുവദിക്കരുത്. പോസിറ്റീവായവരെ മറ്റുള്ളവരുടെ സുരക്ഷ കരുതി മാറ്റിപ്പാര്പ്പിക്കണം.
നിര്മ്മാണ തൊഴിലാളികള് സൈറ്റില് തന്നെ താമസിക്കണം. അല്ലെങ്കില് വാഹന സൗകര്യം ഏര്പ്പെടുത്തണം. ഇക്കാര്യത്തില് തൊഴില് വകുപ്പ് മേല്നോട്ടം വഹിക്കും. ഭക്ഷണ പ്രശ്നം തദ്ദേശ സമിതികള് ശ്രദ്ധിക്കണം.
ഓരോ തദ്ദേശ സ്ഥാപനത്തിനും രോഗികളുടെ ആവശ്യത്തിന് ഗതാഗത പ്ലാനുണ്ടാകണം. ആംബുലന്സിന് പുറമെ മറ്റ് വാഹനങ്ങളും ഉണ്ടാകണം.
പഞ്ചായത്തില് അഞ്ചും നഗരസഭയില് പത്തും വാഹനം ഈ രീതിയില് ഉണ്ടാകണം. ഓക്സിജന് അളവ് നോക്കല് പ്രധാനമാണ്. വാര്ഡ് തല സമിതിയുടെ പക്കല് പള്സ് ഓക്സി മീറ്റര് കരുതണം.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here