കൊവിഡ് വ്യാപനം രൂക്ഷമായ സാഹചര്യത്തില് രാജ്യത്തെ ഓക്സിജന് ലഭ്യതയും വിതരണവും നിരീക്ഷിക്കാന് 12 അംഗ കര്മ്മ സമിതിയെ നിയോഗിച്ചു സുപ്രീംകോടതി. മരുന്നുകളുടെ ലഭ്യത ഉറപ്പാക്കാനും ടാസ്ക് ഫോഴ്സ് ബന്ധപ്പെട്ട അധികൃതര്ക്ക് നിര്ദേശം നല്കും.
ജസ്റ്റിസ് ഡിവൈ ചന്ദ്രചൂഡ്, എംആര് ഷാ എന്നിവരടങ്ങിയ രണ്ടംഗ ബെഞ്ചാണ് ഉത്തരവിട്ടത്. ഡോ. ഭബതോഷ് ബിസ്വാസ്, ഡോ. നരേഷ് ത്രെഹാന് എന്നിവരടങ്ങുന്നതാണ് ടാസ്ക് ഫോഴ്സ്. സെക്രട്ടറിയായിരിക്കും കണ്വീനര്.
പ്രതിസന്ധി പരിഹരിക്കുന്നതില് കേന്ദ്രത്തിന് വീഴ്ച പറ്റിയെന്ന നിരന്തര വിമര്ശനങ്ങള്ക്കിടെയാണ് 12 അംഗ കര്മ്മ സമിതിയെ സുപ്രീംകോടതി നിയോഗിച്ചത്.
സംസ്ഥാനങ്ങളിലേക്കുള്ള ഓക്സിജന് വിതരണം ഇനി മുതല് ദൗത്യ സംഘം കൂടി വിലയിരുത്തും. ലഭ്യത സംബന്ധിച്ച റിപ്പോര്ട്ടും നിര്ദ്ദേശങ്ങളും കേന്ദ്രത്തിനും സുപ്രീംകോടതിക്കും കൈമാറും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here