ഐഎൻഎൽ ദേശീയ വൈസ്പ്രസിഡന്റും സ്ഥാപക നേതാക്കളിൽ പ്രധാനിയുമായ മൗലാനാ അബ്ദുറഹിമാൻ മില്ലി അന്തരിച്ചു. കഴിഞ്ഞ ദിവസം ഹൃദയാഘാതത്തെ തുടർന്ന് മുബൈ ജെ.ജെ ഹോസ്പിറ്റലിൽ പ്രവേശിപ്പിച്ചിന്നു.
ഇബ്റാഹീം സുലൈമാൻ സേട്ടു സാഹിബിനോടൊപ്പം ഐഎൻഎൽ രൂപീകരണത്തിൽ പങ്കാളിയായിരുന്നു. മുബൈയിലെ മുമ്പ്ര സ്വദേശിയായ അദ്ദേഹം മില്ലി കൗൺസിൽ സ്ഥാപക മെമ്പറാണ്.
മഹാരാഷ്ട്ര ഉലമാ കൗൺസിൽ ഭാരവാഹിയായിരുന്നു. 1992 മുബൈ കലാപത്തിന്റെ നാളുകളിൽ കലാപത്തിലെ ഇരകളെ സഹായിക്കാൻ നേതൃപരമായ പങ്കുവഹിച്ചു.
മൗലാനാ അബ്ദുറഹിമാൻ മില്ലിയുടെ വിയോഗത്തിൽ ഐഎൻഎൽ ദേശീയ പ്രസിഡന്റ് പ്രൊഫ മുഹമ്മദ് സുലൈമാൻ, ജനറൽസിക്രട്ടറി അഹമ്മദ് ദേവർകോവിൽ, പ്രൊഫ എപി അബ്ദുൽ വഹാബ്, കാസിം ഇരിക്കൂർ എന്നിവർ അനുശോചിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here