കൊവിഡ് വ്യാപനം രൂക്ഷമായ സാഹചര്യത്തിൽ തെലങ്കാനയിൽ ലോക്ക്ഡൗൺ പ്രഖ്യാപിച്ചു. ബുധനാഴ്ച മുതൽ മേയ് 22 വരെ സംസ്ഥാനത്ത് ലോക്ക്ഡൗൺ ആയിരിക്കുമെന്ന് തെലങ്കാന സർക്കാർ അറിയിച്ചു. ഇതോടെ ദക്ഷിണേന്ത്യയിൽ ആന്ധ്ര ഒഴിച്ചുള്ള സംസ്ഥാനങ്ങളിലെല്ലാം ലോക്ക്ഡൗൺ പ്രഖ്യാപിച്ചു.
ദിവസവും രാവിലെ ആറു മുതൽ 10 വരെ എല്ലാ പ്രവർത്തനങ്ങൾക്കും ഇളവ് അനുവദിക്കും. അതിനു ശേഷം അവശ്യ സേവനങ്ങൾ മാത്രമേ അനുവദിക്കുകയുള്ളുയെന്ന് മുഖ്യമന്ത്രിയുടെ ഓഫീസ് അറിയിച്ചു. ലോക്ഡൗൺ സംബന്ധിച്ച മാർഗനിർദേശങ്ങൾ ഉടൻ പുറപ്പെടുവിക്കുമെന്നും സർക്കാർ വൃത്തങ്ങൾ അറിയിച്ചു.
കേരളത്തിൽ മേയ് 16വരെ ലോക്ക്ഡൗണാണ്. തമിഴ്നാടും കർണാടകയും മേയ് 24വരെ ലോക്ഡൗൺ പ്രഖ്യാപിച്ചിരിക്കുകയാണ്. എന്നാൽ ആന്ധ്രയിൽ ഭാഗിക കർഫ്യൂവാണ് സർക്കാർ ഏർപ്പെടുത്തിയിരിക്കുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here