മലയാളത്തിന്റെ പ്രിയ ഗായികയാണ് സിതാര കൃഷ്ണകുമാര്‍. സിതാരയെ പോലെ തന്നെ മകള്‍ സാവന്‍ ഋതുവിനും നിരവധി ആരാധകരാണ് സോഷ്യല്‍ മീഡിയയില്‍ ഉള്ളത്. സിതാരയുടെ കൂടെ സാവന്‍ പാടിയ ഗാനങ്ങളാണ് സോഷ്യല്‍ മീഡിയയില്‍ സാവനെ സ്റ്റാറാക്കിയത്.
നേരത്തെ സിതാരക്കൊപ്പവും അല്ലാതെയും ഗാനങ്ങളുമായി സാവന്‍ എത്തിയിരുന്നു. ഇപ്പോഴിതാ സിതാരയുടെ പാട്ടിന് ഗിത്താര്‍ വായിക്കുകയാണ് സാവന്‍. ഗിത്താര്‍ വായിക്കുന്ന സാവന്റെ വീഡിയോ സിതാര തന്നെയാണ് സോഷ്യല്‍ മീഡിയയില്‍ പങ്കുവെച്ചത്.
എന്റെ പ്രാക്ടീസ് റൂമിലേക്ക് അവള്‍ കയറി വന്നു. അമ്മ പാടുമ്ബോള്‍ ലിബോയേട്ടന്‍ ചെയ്യുന്നത് തനിക്കും ചെയ്യണമെന്ന് പറഞ്ഞ് ഗിത്താര്‍ വായിക്കുകയാണെന്നും സിത്താര ഫേസ്ബുക്കില്‍ കുറിച്ചു.
പക്ഷേ കഴിഞ്ഞ അരമണിക്കൂറായി തന്നെ ഈ ഒരു ഭാഗം മാത്രമാണ് പാടാന്‍ അനുവദിക്കുന്നുള്ളുവെന്നും സിത്താര ഫേസ്ബുക്കില്‍ പങ്കുവെച്ച വീഡിയോയ്‌ക്കൊപ്പമുള്ള കുറിപ്പില്‍ പറയുന്നു.
നേരത്തെ സിതാരയോടൊപ്പം ‘പുലരിപ്പൂ പോലെ ചിരിച്ചും’ എന്ന പാട്ടും ഉയരെ സിനിമയിലെ നീ മുകിലോ എന്ന പാട്ടും സാവന്‍ ആലപിച്ച വീഡിയോ പുറത്ത് വന്നിരുന്നു. ഈ വീഡിയോയും വൈറലായിരുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
