വ്യാജ കൊവിൻ ആപ്ലിക്കേഷനുകൾ സജീവം, ജാഗ്രതാ നിർദേശവുമായി അധികൃതർ

കൊവിഡ്​ വാക്​സിൻ രജിസ്​ട്രേഷന്റെ മറവിൽ വിവരങ്ങൾ ചോർത്താൻ വ്യാജ കോവിൻ ആപ്ലിക്കേഷനുകൾ പ്രവർത്തിക്കുന്നുവെന്ന മുന്നറിയിപ്പുമായി അധികൃതർ.ഇന്ത്യൻ കമ്പ്യൂട്ടർ എമർജൻസി റെസ്‌പോൺസ് ടീമാണ്​ (സി.ഇ.ആർ.ടി-ഇൻ) ഉപയോക്താക്കൾക്ക് മുന്നറിയിപ്പ് നൽകുന്നത്​.

രജിസ്​ട്രേഷന്റെ പേരിൽ ഫോണിലെ സ്വകാര്യ വിവരങ്ങൾ ശേഖരിക്കുന്നതിനൊപ്പം ഉപയോക്താക്കളുടെ പാസ്​വേർഡുകളും മറ്റ്​ വിവരങ്ങളും ചോർത്തുകയാണ്​ ലക്ഷ്യം.അതിനാൽ വാക്​സിന്​ രജിസ്​ട്രേഷൻ നടത്തുന്നത്​ ഔദ്യോഗികമായ കോവിൻ സൈറ്റുകളിലും ആപ്പുകളിലും തന്നെയാണോ എന്ന്​ ഉറപ്പാക്ക​ണമെന്ന്​ സി.ഇ.ആർ.ടി ഇൻ പറയുന്നു.

വൈറൽ എസ്.എം.എസുകളിലൂടെയാണ് ആപ്ലിക്കേഷനുകൾ പ്രചരിപ്പിക്കുന്നത്​. എസ്​.എം.എസിലുണ്ടാകുന്ന ലിങ്കിൽ ക്ലിക്കിൽ ചെയ്യുന്നതോടെ ചില ആപ്പുകൾ ഫോണുകളിൽ ഇൻസ്​റ്റാൾ ആവുകയും വിവരങ്ങൾ ചോർത്തുകയുമാണ്​ ചെയ്യുന്നത്​.

കൊവിഡ് വാക്സിൻ രജിസ്ട്രേഷനുകൾ നടത്താമെന്ന് വ്യാജമായി​ അവകാശ​പ്പെടുന്ന ഫിഷിംഗ്, വ്യാജ ഡൊമെയ്‌നുകൾ, ഇ മെയിലുകൾ, എസ്​.എം.എസുകൾ, ഫോൺ കോളുകൾ എന്നിവയിലെല്ലാം ജാഗ്രത പാലിക്കണമെന്ന്​ സാ​ങ്കേതിക മേഖലയിലുള്ളവരും മുന്നറിയിപ്പ്​ നൽകുന്നുണ്ട്​.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here
ksfe-diamond
bhima-jewel

Latest News