ജി ആർ അനിൽ ഭക്ഷ്യമന്ത്രിയായി സത്യപ്രതിജ്ഞ ചെയ്തു. അഡ്വ. ജി ആർ അനിൽ നെടുമങ്ങാട് എംഎൽഎയാണ് .സിപിഐ തിരുവനന്തപുരം ജില്ലാ സെക്രട്ടറിയും സംസ്ഥാന കൗൺസിൽ അംഗവുമാണ്. ജില്ലയിലെ വിവിധ ട്രേഡ് യൂണിയൻ സംഘടനകളുടെ നേതാവുകൂടിയാണ്.
എഐഎസ്എഫിലൂടെ പൊതുരംഗത്തേക്ക് എത്തി. എഐഎസ്എഫ്-എഐവൈഎഫ്-കിസാൻസഭ എന്നീ സംഘടനകളുടെ ജില്ലാ സെക്രട്ടറിയായും സംസ്ഥാന ഭാരവാഹിയായും ദീർഘകാലം പ്രവർത്തിച്ചിട്ടുണ്ട്. ഔഷധി ഡയറക്ടർ ബോർഡിൽ അംഗമായി പ്രവർത്തിക്കുന്ന ജി ആർ അനിൽ ഹാന്റക്‌സിന്റെ ഡയറക്ടറായും കൈത്തറി – ക്ഷീരസംഘം പ്രസിഡന്റായും പ്രവർത്തിച്ചിട്ടുണ്ട്.
നടുക്കാട് സാൽവേഷൻ ആർമി എൽ പി സ്‌കൂളിലും കൃഷ്ണപുരം യുപിഎസിലും എസ്എംവി ഹൈസ്‌കൂളിലും എം ജി കോളജിൽ പ്രീഡിഗ്രിയും യൂണിവേഴ്‌സിറ്റി കോളജിൽ ബി എ പൊളിറ്റിക്‌സ് ബിരുദവും ലോ അക്കാദമി ലോ കോളജിൽ നിന്ന് എൽഎൽബി ബിരുദവും നേടിയുണ്ട്. വിദ്യാർത്ഥി-യുവജന രംഗങ്ങളിൽ പ്രവർത്തിക്കുമ്പോൾ നിരവധി സമരങ്ങളിൽ പങ്കെടുത്ത് പലതവണ പൊലീസ് മർദ്ദനവും മൂന്നുതവണ ജയിൽ വാസവും അനുഭവിച്ചിട്ടുണ്ട്.
പത്തുവർഷക്കാലം തിരുവനന്തപുരം നഗരസഭയിൽ നേമം വാർഡിനെ പ്രതിനിധീകരിച്ച് കൗൺസിലർ ആയിരുന്നു. അഞ്ച് വർഷം ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയർമാനായിരുന്നു. ഏറ്റവും നല്ല കൗൺസിലർക്കുള്ള പുരസ്‌കാരത്തിന് അർഹനായി. തിരുവനന്തപുരം കൈമനത്താണ് താമസം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
