കോഴിക്കോട്: കോണ്ഗ്രസ് നേതൃത്വത്തിനെതിരെ തുറന്നടിച്ച് രാജ്മോഹന് ഉണ്ണിത്താന് എം.പി. ഗ്രൂപ്പ് രാഷ്ട്രീയം കോണ്ഗ്രസിന്റെ അടിത്തറ തകര്ത്തുവെന്ന് ഉണ്ണിത്താന് പറഞ്ഞു.കോണ്ഗ്രസില് സമസ്ത മേഖലയിലും മാറ്റം വേണമെന്നും അദ്ദേഹം ആവശ്യപ്പെട്ടു.
കേരളത്തിലെ കോണ്ഗ്രസ് പ്രവര്ത്തകര് തകര്ന്നു തരിപ്പണമായി. പാര്ട്ടിയോട് കൂറുള്ള പുതുതലമുറയെ കൊണ്ടുവരണം,’ ഉണ്ണിത്താന് കൂട്ടിച്ചേര്ത്തു.
അതേസമയം, പാര്ട്ടിയുടെ അടിത്തറ തകര്ന്നുവെന്ന് കെ. മുരളീധരനും പറഞ്ഞിരുന്നു.കോണ്ഗ്രസ് പരാജയത്തെ പരാജയമായി തന്നെ കാണുന്നുവെന്നും പ്രതിസന്ധിയില് നിന്ന് കരകയറാന് വികാരമല്ല വിവേകമാണ് വേണ്ടതെന്നും അദ്ദേഹം പറഞ്ഞു.
പ്രതിപക്ഷ നേതാവ് ആരെന്ന കാര്യത്തില് എം.എല്എമാര് അഭിപ്രായം പറയുമെന്നും സംഘടന തലത്തില് മൊത്തം അഴിച്ചു പണി വേണമെന്നും മുരളീധരന് കൂട്ടിച്ചേര്ത്തു.
‘പരാജയത്തിന് കാരണം പാര്ട്ടിയ്ക്ക് ശരിയായ അടിത്തറ ഇല്ലാതായതാണ്. ഹൈക്കമാന്ഡ് നന്നായി നയിച്ചു. പക്ഷെ അത് വോട്ടാക്കി മാറ്റാന് കഴിഞ്ഞില്ല. സ്ഥാനമാനങ്ങള് ഗ്രൂപ്പ് അടിസ്ഥാനത്തില് വീതം വെക്കുന്നത് ശരിയല്ല. എനിക്ക് ഒരു ചുമതലയും വേണ്ട. ഇക്കാര്യം നേതൃത്വത്തെ അറിയിച്ചിട്ടുണ്ട്. കോണ്ഗ്രസില് തലമുറ മാറ്റം വേണം. ഞാന് മാറിത്തരാന് തയ്യാറാണ്’, മുരളീധരന് പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here