നിങ്ങള്‍ക്ക് മുതലക്കണ്ണീരിനെക്കുറിച്ച് അറിയില്ലെങ്കില്‍, ദാ ഇവിടെ കാണാം; മോദിയുടെ കരച്ചിലിന്റെ പരിഹസിച്ച് പ്രശാന്ത് ഭൂഷണ്‍

.ഉത്തര്‍പ്രദേശിലെ വാരണാസിയില്‍ ആരോഗ്യ പ്രവര്‍ത്തകരെ അഭിസംബോധന ചെയ്ത് സംസാരിക്കവെയായിരുന്നു കൊവിഡ് മരണങ്ങളെക്കുറിച്ച് പറഞ്ഞ് മോദിയുടെ വിതുമ്പൽ .
വെര്‍ച്വല്‍ യോഗത്തിനിടെ മോദിയുടെ ഈ വിതുമ്പൽ പ്രസംഗത്തെ പരിഹസിച്ച് മുതിര്‍ന്ന അഭിഭാഷകന്‍ പ്രശാന്ത് ഭൂഷണ്‍ രംഗത്ത് .

നിങ്ങള്‍ക്ക് മുതലക്കണ്ണീരിനെക്കുറിച്ച് അറിയില്ലെങ്കില്‍, നിങ്ങള്‍ക്കത് ഇവിടെ കാണാം എന്നാണ് പ്രധാനമന്ത്രിയുടെ പ്രസംഗം പങ്കുവെച്ചുകൊണ്ട് ഭൂഷണ്‍ ട്വീറ്റ് ചെയ്തത്.

If you didn’t know about crocodile tears, you can see them here! pic.twitter.com/mc9TkMuqzu

— Prashant Bhushan (@pbhushan1) May 21, 2021

കൊവിഡ്​ പ്രതിരോധ പ്രവർത്തനങ്ങൾക്ക്​ ചുക്കാൻ പിടിക്കുന്ന ആരോഗ്യപ്രവർത്തകർക്ക്​ നന്ദി പറയുന്നതിനിടെ വിങ്ങിപ്പൊട്ടുകയും കണ്ണീരണിയുകയുമായിരുന്നു.

‘കാശിയിലെ ഒരു സേവകനെന്ന നിലയിൽ, വാരാണസി​യിലെ എല്ലാവർക്കും ഞാൻ നന്ദി പറയുന്നു. പ്രത്യേകിച്ച് പ്രശംസനീയമായ രീതിയിൽ ജോലി ചെയ്യുന്ന​ ഡോക്​ടർമാരോടും നഴ്​സുമ​ാരോടും ടെക്​നീഷ്യൻമാരോടും വാർഡ്​ ബോയ്​മാരോടും ആംബുലൻസ്​ ഡ്രൈവർ​മാരോടും’ -മോദി പറഞ്ഞു..

അതേസമയം കൊവിഡ്​ മൂലം ജീവൻ നഷ്​ടമായവരെ ഓർത്തുള്ള മോദിയുടെ കണ്ണീർ മുതലക്കണ്ണീ​രെന്നായിരുന്നു നെറ്റിസൺസിന്റെ പ്രതികരണം. രാജ്യത്ത്​ കൊവിഡ്​ പിടിമുറുക്കുമ്പോഴും പ്രതിരോധ പ്രവർത്തനങ്ങളിൽ ശ്രദ്ധ കേന്ദ്രീകരിക്കാതെ സെൻട്രൽ വിസ്​ത ഉൾപ്പെടെയുള്ളവ നടപ്പാക്കാൻ ശ്രമിക്കുകയാണെന്നും സമൂഹമാധ്യമങ്ങളിൽ പ്രതികരണം ഉയർന്നു. കൂടാതെ വാക്​സിൻ സൗജന്യമാക്കണമെന്നും ആവശ്യപ്പെട്ടു.

രണ്ടാം തരംഗത്തിൽ പ്രതിദിനം 4000ത്തിൽ അധികം പേർക്കാണ്​ രാജ്യത്ത്​ ജീവൻ നഷ്​ടമാകുന്നത്​. പ്രധാനമന്ത്രിയുടെ കൊവിഡ്​ പ്രതിരോധ പ്രവർത്തനങ്ങളെ വിമർശിച്ച്​ ബി.ജെ.പിയിൽനിന്നുപോലും നിരവധി​പേർ രംഗത്തെത്തിയിരുന്നു.

കൊവിഡ് രോഗബാധയെ തുടര്‍ന്ന് നിരവധി മരണങ്ങളാണ് രാജ്യത്ത് ഉണ്ടായതെന്നു പറഞ്ഞ പ്രധാനമന്ത്രി യോഗത്തിനിടെ വികാരഭരിതനാവുകയായിരുന്നു എന്നാണ് മാധ്യമങ്ങൾ റിപ്പോർട്ട് ചെയ്തത് .