മലയാളികളുടെ പ്രിയ നടന് മോഹന്ലാലിന് പിറന്നാള് ആശംസകളുമായി മുന് ഇന്ത്യന് ക്രിക്കറ്റ് താരം യുവരാജ് സിംഗും നിലവില് ദേശീയ ടീം അംഗമായ ആര്. അശ്വിനും. ട്വിറ്ററിലാണ് ഇരുവരും ആശംസകള് പോസ്റ്റ് ചെയ്തത്.
‘പിറന്നാള് ആശംസകള് മോഹന്ലാല് സാര്. അങ്ങേയ്ക്ക് ആയുരാരോഗ്യം ആശംസിക്കുന്നു. മുന്നോട്ടുള്ള യാത്രയില് എല്ലാ വിജയവും നേരുന്നു,’ യുവരാജ് ട്വീറ്റില് പറഞ്ഞു. മോഹന്ലാലിന് എല്ലാ ആശംസകളും നേരുന്നതായി ആര്. അശ്വിനും ട്വീറ്റ് ചെയ്തു.
നേരത്തെ ദൃശ്യം 2 കണ്ട് മോഹന്ലാലിന്റെ പ്രകടനത്തെ അശ്വിന് അഭിനന്ദിച്ചിരുന്നു. എല്ലാവരോടും സിനിമ കാണാനും അദ്ദേഹം അഭ്യര്ഥിച്ചിരുന്നു.
മോഹന്ലാലിന്റെ 61-ാം ജന്മദിനമാണ് ഇന്ന്. രാത്രി പന്ത്രണ്ട് മണിക്ക് തന്നെ ജന്മദിനാശംസകളുമായി നടന് മമ്മൂട്ടിയെത്തിരിന്നു. പ്രിയദര്ശന്, ആസിഫ് അലി, സംയുക്ത, നിവിന് പോളി, പൃഥ്വിരാജ്, ടൊവിനോ തുടങ്ങി സിനിമാ മേഖലയിലെ നിരവധി സഹപ്രവര്ത്തകരും താരത്തിന്റെ ജന്മദിനത്തില് ആശംസകള് അറിയിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here