സംസ്ഥാനത്തെ മുഴുവന് പട്ടിക വര്ഗ്ഗ വിഭാഗങ്ങള്ക്കിടയില് പരിശോധന ഊര്ജ്ജിതമാക്കാനും കൊവിഡ് പ്രതിരോധ പ്രവര്ത്തനങ്ങള് ഊര്ജ്ജിതമാക്കാനും നടപടികള് സ്വീകരിച്ച് വരികയാണെന്ന് ആരോഗ്യമന്ത്രി വീണാ ജോർജ്.
അട്ടപ്പാടിയിലെ മുരുഗുള ഊരിലേക്ക് ഭവാനിപ്പുഴ മുറിച്ച് കടന്ന് പോകുന്ന ആരോഗ്യപ്രവര്ത്തകരുടെ ദൃശ്യങ്ങള് പ്രതിബന്ധങ്ങളെ വകവെയ്ക്കാതെ നടത്തുന്ന സേവനത്തിൻ്റെ പ്രത്യക്ഷസാക്ഷ്യമാണെന്ന് മന്ത്രി ഫെയ്സ്ബുക്കിൽ കുറിച്ചു.
പുതൂര് പ്രാഥമികാരോഗ്യ കേന്ദ്രത്തിലെ ഡോക്ടര് സുകന്യ, ഹെല്ത്ത് ഇന്സ്പെക്ടര് സുനില് വാസു, ജൂനിയര് ഹെല്ത്ത് ഇന്സ്പെക്ടര് സൈജു, ഡ്രൈവര് സജേഷ് എന്നിവരാണ് ജീവന് പണയംവെച്ചും കൊവിഡ് പ്രതിരോധത്തിന്റെ ഭാഗമായത്. ഡോക്ടര് സുകന്യയുമായി ഫോണില് സംസാരിച്ചു.
മുപ്പത് പേരെ പരിശോധനയ്ക്ക് വിധേയരാക്കി. കൊവിഡ് സ്ഥിരീകരിച്ച ഏഴു പേരെ പുതൂര് ഡൊമിസിലറി കെയര് സെന്ററിലേക്ക് മാറ്റി. ഊരിലെ മറ്റുള്ളവര്ക്ക് സുരക്ഷാ മുൻകരുതലുകൾ സ്വീകരിയ്ക്കുന്നതിനുള്ള മാർഗ്ഗനിര്ദേശങ്ങളും നൽകി. ഊരിലുള്ളവരുടെ ഭയം അകറ്റി ആത്മവിശ്വാസം നല്കുകയെന്നതായിരുന്നു ഏറെ പ്രധാനം. അത് സാധ്യമാക്കിയതായി ഡോക്ടര് സുകന്യ പറഞ്ഞു. ഡോക്ടര് സുകന്യയ്ക്കും സഹപ്രവര്ത്തകര്ക്കും സ്നേഹാഭിവാദ്യങ്ങളെന്നും ആരോഗ്യമന്ത്രി വീണാ ജോർജ് കുറിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here