ലക്ഷദ്വീപില് പ്രാദേശിക ഡയറി ഫാമുകളെ ഇല്ലാതാക്കാനുള്ള ഗൂഢാലോചനയുടെ ഭാഗമാകരുതെന്ന് എഴുത്തുകാരന് എന്.എസ്.മാധവന്. തന്റെ ട്വിറ്റര് അക്കൗണ്ടിലൂടെയാണ് അദ്ദേഹം തന്റെ വിമര്ശനം തുറന്നറിയിച്ചത്.
‘അത്ര സുന്ദരമല്ല. ലക്ഷദ്വീപില് നിന്ന് പുറത്തുപോകൂ. പ്രാദേശിക ഡയറി ഫാമുകളെ ഇല്ലാതാക്കാനുള്ള ഗൂഢാലോചനയുടെ ഭാഗമാകരുത്. സേവ്ലക്ഷദ്വീപ്’, എന്.എസ് മാധവന് ട്വിറ്ററിലെഴുതി.
അത്ലറ്റിക്കോ മാഡ്രിഡിന് വേണ്ടി വിജയം നേടി ലൂയി സുവാരസ് എന്ന അമൂലിന്റെ കാര്ട്ടൂണ് ഷെയര് ചെയ്തുകൊണ്ടായിരുന്നു അമുലിനോട് അദ്ദേഹം ലക്ഷദ്വീപിന് പുറത്തുപോകാന് ആഹ്വാനം നല്കിയത്.
ലക്ഷദ്വീപിലെ ഡയറി ഫാമുകള് അടച്ചു പൂട്ടാന് മൃഗസംരക്ഷണ ഡയറക്ടര് ഉത്തരവിട്ടിരുന്നു. ഇതിലൂടെ ലക്ഷദ്വീപില് സര്ക്കാര് തലത്തില് പാല്, പാല് ഉത്പന്ന വിപണനം നിലയ്ക്കുകയും ജീവനക്കാര്ക്ക് ജോലിയും നിലയ്ക്കും.
അതേസമയം നിരവധി പേരാണ് ലക്ഷദ്വീപ് ജനതയ്ക്ക് പിന്തുണയുമായി എത്തിയിരിക്കുന്നത്. രാജ്യസഭാ എം.പി എളമരം കരീം, നടന് പൃഥ്വിരാജ്, നടി റിമ കല്ലിങ്കല്, ഫുട്ബോള് താരം സി. കെ വിനീത്, ഷെയ്ന് നിഗം, സണ്ണി വെയ്ന്, ഗീതു മോഹന്ദാസ് തുടങ്ങി നിരവധി പേരാണ് ലക്ഷദ്വീപിനെ പിന്തുണച്ച് കൊണ്ട് രംഗത്തെത്തിയത്.
Not cute. Just stay out of Lakshadweep. Don’t be part of conspiracy to kill the local diary industry. #SaveLakshadweep https://t.co/rfcNszFrjb
— N.S. Madhavan (@NSMlive) May 25, 2021
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here