കൊവിഡ് കാലത്ത് പരമാവധി ആശുപത്രി സന്ദര്ശനം ഒഴിവാക്കി വീട്ടില് ഇരുന്നുകൊണ്ടുതന്നെ ചികിത്സ തേടാന് കഴിയുന്നതാണ് ഇ സഞ്ജീവനി എന്ന ഓണ്ലൈന് ആപ്ലിക്കേഷന്. കൊവിഡ് മഹാമാരി ആശങ്ക സൃഷ്ടിക്കിന്ന ഈ കാലത്ത് വിട്ടിലിരുന്ന് ഇ സഞ്ജീവനി വഴി ഡോക്ടറെ നേരിട്ട് കണ്ട് സംസാരിക്കാനാകും. അതും സൗജന്യമായി. ഇതുവരെ ഒന്നരലക്ഷത്തിലധികം പേരാണ് ഇ സഞ്ജീവനി വഴി ചികിത്സ തേടിയത്. എങ്ങനെയാണ് ഇ സഞ്ജീവനി വഴി വീട്ടിലിരുന്നുകൊണ്ട് ഡോക്ടറെ കാണാം ?
ആദ്യമായി https://esanjeevaniopd.in എന്ന ഓണ്ലൈന് സൈറ്റ് സന്ദര്ശിക്കുകയോ അല്ലെങ്കില് ഇ-സഞ്ജീവനി ആപ്ലിക്കേഷന് https://play.google.com/store/apps/details?id=in.hied.esanjeevaniopd&hl=en_US മൊബൈലില് ഡൗണ്ലോഡ് ചെയ്ത് ഉപയോഗിക്കുകയോ ചെയ്യാവുന്നതാണ്.
ഇന്റര്നെറ്റ് സൗകര്യമുള്ള മൊബൈലോ ലാപ്ടോപോ അല്ലെങ്കില് ടാബ് ഉണ്ടങ്കില് http://esanjeevaniopd.in എന്ന സൈറ്റില് പ്രവേശിക്കാം.
ആ വ്യക്തി ഉപയോഗിക്കുന്ന ആക്ടീവായ മൊബൈല് നമ്പര് ഉപയോഗിച്ചു രജിസ്റ്റര് ചെയ്യുക.
തുടര്ന്ന് ലഭിക്കുന്ന ഒടിപി നമ്പര് ഉപയോഗിച്ച് ലോഗിന് ചെയ്ത ശേഷം പേഷ്യന്റ് ക്യൂവില് പ്രവേശിക്കാം.
വീഡിയോ കോണ്ഫറന്സ് വഴി ഡോക്ടറോട് നേരിട്ട് രോഗ വിവരത്തെപ്പറ്റി സംസാരിക്കാവുന്നതാണ്. ഓണ്ലൈന് കണ്സള്ട്ടേഷന് ശേഷം മരുന്ന് കുറിപ്പടി ഉടന് തന്നെ ഡൗണ്ലോഡ് ചെയ്ത് മരുന്നുകള് വാങ്ങാനും പരിശോധനകള് നടത്താനും തുടര്ന്നും സേവനം തേടാനും സാധിക്കുന്നു. സംശയങ്ങള്ക്ക് ദിശ 1056, 0471 2552056 എന്നീ നമ്പരുകളില് വിളിക്കാവുന്നതാണ്.
നെഞ്ചുരോഗ/ ശ്വാസകോശ രോഗം, ത്വക്ക് രോഗം, ഇ.എന്.ടി, പാലിയേറ്റീവ് കെയര്, ദന്തരോഗം എന്നീ വിഭാഗങ്ങളുടെ ഒപികള് എല്ലാ ദിവസവും രാവിലെ 9 മുതല് ഒരു മണി വരെയുണ്ടാകും. നേത്രരോഗ വിഭാഗം, ഹീമോഫീലിയ എന്നീ വിഭാഗങ്ങളിലെ ഒപികള് തിങ്കള് മുതല് ശനി വരെ രാവിലെ 9 മുതല് ഒരു മണി വരെയാണ്.
അസ്ഥിരോഗ വിഭാഗം ഒപി ഞായര്, വെള്ളി ദിവസങ്ങളില് രാവിലെ 9 മണി മുതല് ഉച്ചക്ക് ഒരു മണി വരെയും, കാര്ഡിയോളജി ഒപി വെള്ളിയാഴ്ച 9 മുതല് ഒരു മണി വരെയും, പി.എം.ആര് ഒപി ചൊവ്വ, വ്യാഴം ദിവസങ്ങളില് വൈകുന്നേരം 4 മുതല് 6 വരെയും പ്രവര്ത്തിക്കും. കൂടാതെ കോഴിക്കോട് മെഡിക്കല് കോളേജിലെ ശിശുരോഗ വിഭാഗം തിങ്കള് മുതല് ശനി വരെ രാവിലെ 9 മുതല് ഒരു മണിവരെ വിവിധ പ്രത്യേക ഒപികളും ആരംഭിച്ചിട്ടുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here