ADVERTISEMENT
അടിയന്തിരമായി പദവി ഒഴിയാന്‍ അനുവദിക്കണമെന്ന് ഹൈക്കമാന്‍ഡിനോട് മുല്ലപ്പള്ളി രാമചന്ദ്രന്‍. അവഹേളിച്ച് ഇറക്കിവിടരുതെന്നും അശോക് ചവാന്‍ കമ്മിറ്റിക്ക് മുന്‍പാകെ മുല്ലപ്പള്ളി വ്യക്തമാക്കി.
മാന്യമായി പദവി ഒഴിയാന്‍ അനുവദിക്കണമെന്നും തോല്‍വിയുടെ ഉത്തരവാദിത്വത്തില്‍ നിന്ന് ഒഴിഞ്ഞുമാറുന്നില്ലെന്നും മുല്ലപ്പള്ളി പറഞ്ഞു. താന്‍ രാജിവയ്ക്കാന്‍ തയ്യാറായിട്ടും ഹൈക്കമാന്‍ഡ് അനുവദിച്ചില്ല
ഇത് താന്‍ പദവിയില്‍ കടിച്ചുതൂങ്ങുന്നയാളെന്ന പ്രചരണത്തിന് ഇടയാക്കി. വ്യക്തിപരമായി ഇതു തന്നെ വേദനിപ്പിച്ചു. സോഷ്യല്‍ മീഡിയയില്‍ ഉയരുന്ന പ്രചരണങ്ങള്‍ ഇതിന്റെ തളിവാണ്
ഹൈക്കമാന്‍ഡിന് എന്നും വിധേയമായി പ്രവര്‍ത്തിച്ചയാളാണ് ഇനിയും അതുണ്ടാകുമെന്നും ഗ്രൂപ്പുകള്‍ക്ക് അതീതമായി സ്വതന്ത്രമായി പ്രവര്‍ത്തിക്കാന്‍ സാഹചര്യമുണ്ടായില്ലെന്നും മുല്ലപ്പള്ളി പറഞ്ഞു.
സ്ഥാനാര്‍ഥി നിര്‍ണയത്തിലെ ഗ്രൂപ്പ് വീതംവയ്പ്പ് തോല്‍വിക്ക് കാരണമായി. സംഘടനാ പുനഃസംഘടന അട്ടിമറിച്ചത് ഗ്രൂപ്പ് നേതാക്കളാണെന്നും മുല്ലപ്പള്ളി ആരോപിച്ചു.
പാര്‍ട്ടിയെ ശക്തപ്പെടുത്താനുള്ള അവസരം തടഞ്ഞതും ഗ്രൂപ്പ് നേതാക്കളെന്നും സംഘടനാ ദൗര്‍ബല്യമാണ് തോല്‍വിക്ക് കാരണം എന്ന് ആരോപിക്കുന്നവര്‍ ഇതു മറച്ചുവയ്ക്കുകയാണെന്നും മുല്ലപ്പള്ളി പറഞ്ഞു.
Get real time update about this post categories directly on your device, subscribe now.
