ബ്ലാക്ക് ഫംഗസ് രോഗം സംബന്ധിച്ച് വലിയ ആശങ്ക ഉയരുന്നുണ്ട്. ഇത് പരിഹരിക്കാനുള്ള ഇടപെടലുകള് നടത്തുമെന്ന് മുഖ്യമന്ത്രി പിണറായി വിജയൻ പറഞ്ഞു. നിലവില് സംസ്ഥാനത്ത് 52 പേർക്ക് മാത്രമാണ് രോഗം സ്ഥിരീകരിച്ചത്. പക്ഷേ ജനങ്ങളെ ആശങ്കപ്പെടുത്തുന്ന വലിയ തരത്തിലുള്ള പ്രചാരണങ്ങള് നടക്കുന്നുണ്ടെന്നും ജാഗ്രത പാലിയ്ക്കണമെന്നും അദ്ദേഹം വ്യക്തമാക്കി.
അതേസമയം കാലവര്ഷഘട്ടത്തില് ദുരിതാശ്വാസം ക്യാമ്പുകള് സജ്ജമാക്കുമ്പോള് കൊവിഡ് പ്രോട്ടോക്കോള് പാലിക്കുന്നുണ്ടെന്ന് ഉറപ്പാക്കും.നിര്മ്മാണ മേഖലയില് മെറ്റല് കിട്ടാത്ത പ്രശ്നം നിലനില്ക്കുന്ന സാഹചര്യത്തില് ക്രഷറുകള് തുറന്ന് പ്രവര്ത്തിപ്പിക്കാന് അനുമതി നല്കും.
ഓക്സിമീറ്റര് സ്വന്തമായി ഉണ്ടാക്കുമെന്ന് കെല്ട്രോണ് അറിയിച്ചിട്ടുണ്ട്. അത് പരമാവധി പ്രോത്സാഹിപ്പിക്കാനാണ് തീരുമാനം. ആവശ്യമായ മരുന്നുകള് വാങ്ങി നല്കാമെന്ന് വിദേശത്തുള്ള പലരും അറിയിച്ചിട്ടുണ്ട്. എന്നാല് പല മരുന്നുകളും അവര്ക്ക് അവിടെ ലഭ്യമല്ല. അത് എവിടെ നിന്നാണ് ലഭ്യമാകുക എന്ന് അറിയിച്ചാല് വാങ്ങി നല്കാന് തയ്യാറാണെന്ന് പല വിദേശ മലയാളികളും അറിയിച്ചിട്ടുണ്ടെന്നും മുഖ്യമന്ത്രി പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here