ഓൺലൈൻ ക്ലാസ് പഠിക്കാൻ മൊബൈൽ ഇല്ലെന്ന് പരാതി പറഞ്ഞ കുട്ടിയ്ക്ക് മൊബൈൽ എത്തിക്കാൻ വേണ്ട നടപടി സ്വീകരിച്ച് വിദ്യാഭ്യാസ മന്ത്രി വി ശിവൻകുട്ടി. കൈരളി ന്യൂസിന്റെ ‘തത്സമയം മന്ത്രിയോട് സംസാരിക്കാം’ എന്ന പരിപാടിക്കിടെയാണ് പുനലൂരിൽ നിന്നും ഗോപിക വിളിക്കുന്നത് .
‘സാറേ എനിക്ക് ഓൺലൈൻ ക്ലാസ് പഠിക്കാൻ ഫോൺ ഇല്ല’ .പരാതി കേട്ടയുടൻ മന്ത്രി ശിവൻകുട്ടി കുട്ടിക്ക് ഫോൺ എത്തിക്കാമെന്ന് ഉറപ്പ് നൽകി .പിന്നാലെ പുനലൂർ എം എൽ എ
പി എസ് സുപാലിനെ വിളിച്ച് കുട്ടിയ്ക്ക് ഫോൺ എത്തിക്കാമെന്നും കുട്ടിക്ക് നൽകണമെന്നും പറഞ്ഞു . കൊവിഡ് കാലത്ത് ഒരു കുട്ടിയുടെ പോലും വിദ്യാഭ്യാസം മുടങ്ങരുതെന്ന ഇടത് സർക്കാരിന്റെ നിശ്ചയദാർഢ്യമാണ് മന്ത്രി വി ശിവൻകുട്ടിയുടെ ഇടപെടലിൽ കാണുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here