തന്റെ വളര്ത്തുനായ്ക്കളെ ഉപദ്രവിക്കാന് ശ്രമിച്ച കരടിയെ പിടിച്ചുതള്ളുന്ന ഒരു പതിനേഴുകാരിയുടെ വീഡിയോ ആണ് ഇപ്പോള് സോഷ്യല് മീഡിയയില് വൈറലാകുന്നത്. ഹേലി എന്ന പതിനേഴുകാരി ഏല്ലാവരെയും അക്ഷരാര്ത്ഥത്തില് ഞെട്ടിക്കുകയാണ് ഈ വീഡിയോയിലൂടെ.
ഹേലിയുടെ വീടിന്റെ പുറകിലുള്ള ഭിത്തിയുടെ മുകളില് നില്ക്കുന്ന കരടിയെ കണ്ടതും ഹേലിയുടെ വളര്ത്തുനായ്ക്കള് കുരക്കാന് തുടങ്ങുകയും കൂട്ടത്തിലെ ചെറിയ നായയെ കരടി ഉപദ്രവിക്കാന് ശ്രമിക്കുന്നതും വീഡിയോയില് കാണാം.
തുടര്ന്ന് ഹേലി അവിടേയ്ക്ക് ഓടിയെത്തുകയും ശേഷം കരടിയെ ഭിത്തിയില് നിന്ന് പിടിച്ചുതള്ളുകയുമാണ്. കരടി വീണതും തന്റെ നായ്ക്കുട്ടിയെയും എടുത്തുകൊണ്ട് ഓടുന്ന ഹേലിയെയും വീഡിയോയില് വ്യക്തമാണ്.
കാലിഫോര്ണിയയിലാണ് സംഭവം നടക്കുന്നത്. ഹേലിയുടെ കസിനാണ് വീഡിയോ സമൂഹമാധ്യമങ്ങളിലൂടെ പങ്കുവച്ചത്. ട്വിറ്ററിലൂടെ പ്രചരിക്കുന്ന വീഡിയോ ഇതുവരെ 80 ലക്ഷത്തോളം പേരാണ് കണ്ടത്.
This is crazy af omg pic.twitter.com/Sh14yVD9Eu
— Bria Celest (@55mmbae) June 1, 2021
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here