കോലഞ്ചേരിയിൽ നവജാത ശിശുവിനെ അമ്മ പാറമടയിൽ എറിഞ്ഞ് കൊലപ്പെടുത്തിയ സംഭവത്തിൽ കുഞ്ഞിന്റെ മൃതദേഹം കണ്ടെത്തി.സ്കൂബ ഡൈവിങ് സംഘം നടത്തിയ തിരച്ചിലിലാണ് മൃതദേഹം കണ്ടെത്തിയത്.കല്ലിൽ കെട്ടിയ നിലയിലായിരുന്നു മൃതദേഹം
40വയസായ സ്ത്രീ ചൊവ്വാഴ്ചയാണ് പ്രസവിച്ചത്. രക്തസ്രാവം ഉണ്ടായതിനെ തുടർന്ന് ആശുപത്രിയിൽ പ്രവേശിപ്പിക്കുകയായിരുന്നു. പ്രസവിച്ചതിനെ തുടർന്നാണ് രക്തസ്രാവമുണ്ടായതെന്നും കുഞ്ഞിനെ വീടിന്റെ സമീപത്തെ പാറമടിയിൽ കല്ലിൽ കെട്ടിതാഴ്ത്തിയെന്നും ആശുപത്രിയിൽവെച്ച് ഡോക്ടർമാരെ അറിയിക്കുകയായിരുന്നു. തുടർന്ന് ആശുപത്രി അധികൃതർ വിവരം പൊലീസിനെ അറിയിച്ചു.
സ്ത്രീയുടെ മൊഴിയുടെ അടിസ്ഥാനത്തിൽ പൊലീസും സ്കൂബ ഡൈവിങ് സംഘവും പാറമടയിൽ തിരച്ചിൽ നടത്തുകയായിരുന്നു. ഉപയോഗ ശൂന്യമായിരുന്നു പാറമട. നിലവിൽ തൃപ്പൂണിത്തുറ താലൂക്ക് ആശുപത്രിയിൽ ചികിത്സയിലാണ് സ്ത്രീ. ആരോഗ്യം വീണ്ടെടുത്തശേഷം കൂടുതൽ ചോദ്യം ചെയ്യും
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here