ക്ഷേമ പെന്‍ഷനുകള്‍ക്കായി ബജറ്റില്‍ 1600 കോടി നീക്കിവച്ച് രണ്ടാം പിണറായി സര്‍ക്കാരിന്റെ ആദ്യ ബജറ്റ്. കൂടാതെ സംസ്ഥാന സര്‍ക്കാര്‍ നല്‍കുന്ന ഭക്ഷ്യ കിറ്റിന് 1470 കോടി അനുവദിച്ചതായും ധനമന്ത്രി വ്യക്തമാക്കി.
അതേസമയം പത്രം വിതരണമടക്കമുള്ള വിതരണ ജോലികള്‍ ചെയ്യുന്നവര്‍ക്ക് വാഹനം ലഭ്യമാക്കാന്‍ വായ്പ അനുവദിക്കുമെന്ന് ബജറ്റ് വ്യക്തമാക്കി.
ഇരുചക്ര മുച്ചക്ര വാഹനങ്ങള്‍ വാങ്ങാന്‍ സഹായം നല്‍കുന്നതാണ് പദ്ധതി. 10,000 ഇരുചക്ര വാഹനങ്ങള്‍, 5000 ഓട്ടോറിക്ഷ എന്നിവ വാങ്ങാന്‍ 200 കോടിയുടെ വായ്പ അനുവദിക്കുമെന്ന് ധനമന്ത്രി.
ബജറ്റ് അവതരണത്തിന് ശേഷം ധനമന്ത്രി കെ എന്‍ ബാലഗോപാല്‍ മാധ്യമങ്ങളുമായി സംവദിച്ചു. കഴിഞ്ഞ ബജറ്റിലെ ഒരു നിര്‍ദേശവും മാറ്റിയിട്ടില്ലെന്ന് വ്യക്തമാക്കിയ ധനമന്ത്രി ഐസക്കിന്റെ ബജറ്റിലെ നിര്‍ദ്ദേശളെല്ലാം തുടരുമെന്നും അതിന്റെ കൂട്ടി ചേര്‍ക്കലുകളും തുടര്‍ച്ചയുമാണ് പുതിയ ബജറ്റെന്നും അറിയിച്ചു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ താഴെ ലിങ്കില്‍ ക്ലിക്ക് ചെയ്യുക.
Click Here
