നിയമസഭാ തെരഞ്ഞെടുപ്പില് സ്ഥാനാര്ത്ഥിത്വത്തില് നിന്ന് പിന്മാറാന് പണം നല്കിയെന്ന വെളിപ്പെടുത്തലില് ബി ജെ പി സംസ്ഥാന അധ്യക്ഷന് കെ സുരേന്ദ്രനെതിരെ കേസെടുക്കാന് അനുമതി. കാസര്കോട് ഒന്നാം ക്ലാസ് മജിസ്ട്രേറ്റ് കോടതിയാണ് അനുമതി നല്കിയത്. മഞ്ചേശ്വരം മണ്ഡലത്തിലെ ഇടത് സ്ഥാനാര്ത്ഥിയായിരുന്ന സി പി എം നേതാവ് വി വി രമേശന്റെ ഹര്ജിയിലാണ് കോടതി ഉത്തരവ്.
മണ്ഡലത്തില് ബി എസ് പി സ്ഥാനാര്ത്ഥിയായി നാമനിര്ദ്ദേശ പത്രിക നല്കിയ കെ സുന്ദരയാണ് തനിക്ക് ബി ജെ പി നേതാക്കള് കോഴ നല്കിയെന്ന് വെളിപ്പെടുത്തിയത്. കെ സുരേന്ദ്രന് പുറമെ ബി ജെ പിയുടെ രണ്ട് പ്രാദേശിക നേതാക്കള്ക്കെതിരെയും കേസെടുക്കാന് കോടതി അനുമതി നല്കി. ഇന്ത്യന് ശിക്ഷാ നിയമത്തിലെ 171 ബി (തിരഞ്ഞെടുപ്പ് അട്ടിമറിക്കാന് കൈക്കൂലി നല്കുക) വകുപ്പ് പ്രകാരം പൊലീസിന് കേസ് എടുക്കാനാണ് നിര്ദ്ദേശം.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here