സൗദി അറേബ്യയിൽ വാഹനാപകടത്തിൽ മരണപ്പെട്ട കോട്ടയം സ്വദേശി ഷിൻസി ഫിലിപ്പ്, തിരുവന്തപുരം സ്വദേശി അശ്വതി വിജയൻ എന്നിവരുടെ മൃതദേഹം നാട്ടിലേക്കു അയച്ചു.നജ്റാൻ കിംഗ് ഖാലിദ് ആശുപതിയിലെ നഴ്‌സുമാർ ആയിരുന്നു ഷിൻസി ഫിലിപ്പും അശ്വതി വിജയനും .
കഴിഞ്ഞ വെള്ളിയാഴ്ച ഇവർ സഞ്ചരിച്ച വാഹനത്തിൽ മറ്റൊരു വാഹനം വന്നിടിച്ചാണ് അപകടമുണ്ടായത് . സൗദിയിലെ യദുമയ്ക്കടുത്തു വെച്ചാണ് അപകടം നടന്നത്.അപകട സ്ഥലത്തു വെച്ച് തന്നെ രണ്ടുപേരും മരണപ്പെടുകയായിരുന്നു.
നജ്റാൻ പ്രതിഭ സാംസ്‌കാരിക വേദി പ്രവർത്തകരാണ് മൃതദേഹങ്ങൾ നാട്ടിലേക്ക് അയക്കുന്നതിനായുള്ള നിയമ നടപടികൾക്ക് നേതൃത്വം നൽകിയത് . നജ്റാൻ കേന്ദ്ര കമ്മിറ്റി റിലീഫ് കൺവീനർ അനിൽ രാമചന്ദ്രൻ ,
ജിദ്ദ ഇന്ത്യൻ കോൺസിലേറ്റ് കമ്യൂണിറ്റി വെൽഫെയർ മെമ്പർ അബ്ദുൾ ഗഫൂർ, ജിദ്ദ ഇന്ത്യൻ കോൺസുലേറ്റ് കമ്മ്യൂണിറ്റി വെൽഫയർ വിഭാഗം കോൺസുൽ ഡോക്ടർ ആലീം ശർമ, കോൺസുലേറ്റ് ട്രാൻസുലേറ്റർ ആസിം അൻസാരി എന്നിവരുടെ ശ്രമഫലമായാണ് മൃതദേഹങ്ങൾ വേഗത്തിൽ തന്നെ നാട്ടിലേയ്ക്ക് അയക്കാൻ സാധിച്ചത്. .
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
