ലക്ഷദ്വീപ് സന്ദര്ശിക്കാന് അനുമതി നല്കാത്ത അഡ്മിനിസ്ട്രേറ്റര് പ്രഫുല് പട്ടേലിനെതിരെ ഇടത് എം പിമാര് പാര്ലമെന്റിന്റെ ഇരു സഭകളിലും അവകാശലംഘന നോട്ടിസ് നല്കി. എളമരം കരീം, ബിനോയ് വിശ്വം, എം വി ശ്രേയാംസ് കുമാര്, ജോണ് ബ്രിട്ടാസ്, വി ശിവദാസന്, കെ സോമപ്രസാദ് എന്നിവര് സഭാ ചട്ടം 187 പ്രകാരം രാജ്യസഭയിലും എ എം ആരിഫ്, തോമസ് ചാഴികാടന് എന്നിവര് സഭാ ചട്ടം 222 പ്രകാരം ലോക്സഭയിലുമാണു നോട്ടിസ് നല്കിയത്.
ലക്ഷദ്വീപ് നിവാസികളുടെയും ജനപ്രതിനിധികളുടെയും അഭ്യര്ഥനയെ തുടര്ന്നാണ് എം പിമാര് ദ്വീപ് സന്ദര്ശിക്കാന് തീരുമാനിച്ചത്. ദ്വീപിലെ നിലവിലെ സാഹചര്യം വിലയിരുത്താനും പുതിയ അഡ്മിനിസ്ട്രേറ്റര്ക്ക് കീഴില് നടപ്പിലാക്കിയിട്ടുള്ള പരിഷ്കാരങ്ങളും നയങ്ങളും ദ്വീപ് നിവാസികളെ ഏത് രീതിയിലാണ് ബാധിച്ചിരിക്കുന്നത് എന്ന് നേരിട്ട് മനസിലാക്കി രാഷ്ട്രപതിക്കും പ്രധാനമന്ത്രിക്കും വസ്തുതാന്വേഷണ റിപ്പോര്ട്ട് സമര്പ്പിക്കാനായിരുന്നു തീരുമാനം.
ഇത് പാര്ലമെന്റ് അംഗങ്ങളോടുള്ള അവഹേളനമാണെന്നും അഡ്മിനിസ്ട്രേറ്ററോട് പാര്ലമെന്റ് വിശദീകരണം തേടണമെന്നും ഗുരുതരമായ കൃത്യവിലോപം കാണിച്ച മുഴുവന് ആളുകള്ക്കെതിരെയും ശക്തമായ നടപടികള് സ്വീകരിക്കണമെന്നും എം പിമാര് ആവശ്യപ്പെട്ടു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here