ലാബിൽ പോയി കാത്തിരിക്കണ്ട!!! കൊവിഡിനെ ​ മണത്തറിയുന്ന നായ്​ക്കൾ വരുന്നു…..

വാഷിങ്​ടൺ: ജനജീവിതം താറുമാറാക്കിയ കൊവിഡ്​ വൈറസിന്റെ സാന്നിധ്യം തിരിച്ചറിയാൻ ലബോറട്ടറി പരിശോധനകൾ വേണ്ടിവന്ന കാലം മാറുന്നോ? യു.എസിൽ വിമാനത്താവളങ്ങളിലുൾപ്പെടെ കൊവിഡ്​ പരിശോധനക്ക്​ നായ്​ക്കൾ എത്തി തുടങ്ങിയതോടെയാണ്​ പുതിയ ചർച്ച കൊഴുക്കുന്നത്​. വിമാനത്താവളങ്ങൾക്ക്​ പുറമെ മിയാമി ഹീറ്റ്​ ബാസ്ക്കറ്റ്​ ബാൾ മത്സരത്തിലും കൊവിഡ്​ ബാധിതരുണ്ടോയെന്ന്​ പരിശോധിച്ചത്​ നായ്​ക്കളെ ഉപയോഗപ്പെടുത്തിയായിരുന്നു.

ബോംബും മയക്കുമരുന്നും കണ്ടെത്താൻ കാലങ്ങളായി നായ്​ക്കൾ സജീവമായി രംഗത്തു​ണ്ട്​. പൊലീസ്​ വിഭാഗത്തിന്​ ഇവ നൽകുന്ന ആശ്വാസവും ചെറുതല്ല. അതിനിടെയാണ്​ മെഡിക്കൽ രംഗത്തും ഇവയുടെ സാധ്യത ലോകം തിരയുന്നത്​. പക്ഷേ, ഇതത്ര എളുപ്പവും സുരക്ഷിതവുമല്ലെന്നാണ്​ വിദഗ്​ധരുടെ പക്ഷം.

ബോംബും മയക്കുമരുന്നും തിരയുന്ന നായ്​ക്കൾ കൃത്യമായ ലക്ഷ്യത്തോടെയാകും മണംപിടിക്കുന്നത്​. വ്യക്​തിയുടെ വിയർപ്പും മൂത്രവും പ്രത്യേകം തിരിച്ചറിയാനും നായ്​ക്കൾക്കാകും. പ​േക്ഷ, ശരീരത്തിലെ ഏതേത്​ ഘടകങ്ങളെയൊക്കെ ഇവ തിരിച്ചറിയുമെന്നത്​ പ്രശ്​നമാണ്​. മറ്റു പല രോഗങ്ങളുടെയും അടയാളങ്ങളും കൊവിഡ്​ അടയാളങ്ങളും തമ്മിൽ സാമ്യമുണ്ട്​. അതായത് പനിയുടെയും ന്യൂമോണിയയുടെയും അടയാളങ്ങൾ തിരിച്ചറിഞ്ഞ്​ കൊവിഡ്​ നിശ്​ചയിച്ചാൽ യഥാർഥ രോഗം അറിയാതെ പോകും.

അതിനാൽ, നായ്​ക്കളെ ഈ​ മേഖലയിൽ പരിശീലിപ്പിക്കുമ്പോൾ കൂടുതൽ ഗവേഷണം ആവശ്യ​മാണെന്ന്​ പറയുന്നു, ജോൺ ഹോപ്​കിൻസ്​ യൂനിവേഴ്​സിറ്റി പൊതുജനാരോഗ്യ ഗവേഷകൻ ലൂയിസ്​ പ്രിവോർ ഡും.

വിയർപ്, മൂത്രം, ഉമിനീര്​ എന്നിവയിൽ രോഗം തിരിച്ചറിയാൻ നായ്​ക്കൾക്കാകും. ചില രാജ്യങ്ങളിൽ മൂത്ര സാമ്പിളുകൾ ഇവ തിരിച്ചറിഞ്ഞപ്പോൾ മിയാമിയിൽ ആളുകൾക്കിടയിലൂടെ ഇവയെ നടത്തിയായിരുന്നു പരിശോധന നടത്തിയത്​.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here